Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda taǵy 15 kásipker ótemaqy tólemin aldy

2022 jyldyń 28 qańtar 2022 19:46

ALMATY. QazAqparat- Búgin taǵy 15 kásipker ótemaqy tólemin aldy, dep habarlaıdy QazAqparat tilshisi.

Almatyda jappaı tártipsizdik kezinde zardap shekken 15 shaǵyn jáne orta bıznes nysanyna jalpy somasy 28 mln teńge ótemaqy tólendi.

Onyń ishinde 8 kásipker bıýdjet qarajatynan jalpy somasy 14 759 099 teńge, 7 kásipker «Jańa Alataý» qoǵamdyq qorynan jalpy somasy 13 332 639 teńge ótemaqy aldy.

Info Kazakhstan portalynyń derekterine sáıkes, 28 qańtardaǵy jaǵdaı boıynsha zalaldy qalpyna keltirýge 923 ótinim berildi, onyń ishinde jumys isteý úshin 134 ótinim qabyldandy, 17 ótinimdi komıssııa maquldady.

Almatyda zardap shekken bıznes nysandarynyń sany 1 674 (iri bıznes – 79, ShOB – 1595). Bızneske keltirilgen zalaldyń jalpy somasy 72,4 mlrd teńge (iri bıznes – 26,8 mlrd teńge, ShOB – 45,6 mlrd teńge).

Buǵan deıin ShOB múliktik zııanyn anyqtaý jónindegi óńirlik komıssııa 2 ótinimdi maquldady, olarǵa jalpy somasy 5 mln teńgege tólem júrgizildi.



Avtor Alma Muqanova
Basty sózder: Almaty, Kásipkerlik, bıznes,
Joǵary qaraı