Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda taýda qalyp qoıǵan týrıster qutqaryldy

2020 jyldyń 6 qyrkúıek 2020 22:31

ALMATY. QazAqparat – 5 qyrkúıekte túnde saǵat 22-de Sovetter shyńynda bir top týrıst adasyp ketkeni jóninde Respýblıkalyq jedel qutqarý otrıadynyń kezekshi bólimine aqparat kelip tústi, dep habarlaıdy QazAqparat Tótenshe jaǵdaılar komıtetiniń baspasóz qyzmetine silteme jasap.

Tórt týrıstiń biri Reseı azamatshasy bolǵan. Olar taýǵa tańerteń aýa raıy ashyq bolǵanda attanǵan. Taýdyń basyna jetip, qaıtar kezde qalyń tuman túsedi. Týrıster soqpaq joldan adasady. Adasqandar Respýblıkalyq jedel qutqarý otrıadynyń qutqarýshylarynan kómek suraǵan kezde aınala qarańǵy bolyp ketedi. Olardyń aıtýynsha, Sovetter shyńynyń baýraıynda shaǵyn taqta alańda turǵan, ary qaraı qaıda júrerin bilmegen. Qutqarýshylar eshqaıda ketpeýdi, kómekti sonda kútý kerektigin eskertedi.





Qutqarýshylar taýǵa shyqqandardyń qaı tusta turǵanyn jobalap, sonda jaıaý attanady. Іzdestirý kezinde 3800 metr bıikte jedel top adasyp qalǵandardy tapty. Qutqarýshy medıtsına qyzmetkeri týrısterdi qarady, olar tońyp qalǵan, aıaq-qoldaryn syzyp alǵan. Qatty qoryqqany bolmasa jaǵdaılary jaqsy bolǵan. Odan keıin qutqarýshylar týrısterde qaýipsiz jerge deıin ertip shyqty. Óıtkeni eńis ári syrǵyma tas kóp edi, keı tusta quz bar bolatyn.

Tań ata bastaǵanda barlyǵy taý etegine túsip, týrısterdiń kóligi turǵan turaqqa jetti. Olar medıtsınalyq kómekten bas tartty.





Joǵary qaraı