Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda taýly aımaqtardaǵy órt qaýpiniń aldyn alý jumystary bastaldy

2021 jyldyń 3 mamyr 2021 17:45

ALMATY. QazAqparat - Órt qaýpiniń bastalýyna baılanysty 1 mamyrdan bastap qalalyq Tótenshe jaǵdaılar departamenti, tabıǵatty qorǵaý polıtsııasy, Іle Alataýy parki ınspektorlary men volonterler taýly ormandy alqapta reıder uıymdastyrdy, dep habarlaıdy QazAqparat tilshisi.

Almaty qalasynyń turǵyndary men qonaqtarynyń eń kóp baratyn demalys oryndary anyqtaldy:

- Medeý aýdany – Býtakovka shatqaly;

- Kım - Asar, Prosveshenets bógetinen «Qazseldenqorǵaý» MM beketine deıin jáne «Tuıyq - Sý» stansasy;

- Bostandyq aýdany – Almarasan shatqaly, Kazachka;

- Túrksib aýdany - Baýman toǵaıy.

Patrýldeý kezinde taýly orman alqaptaryndaǵy órttiń aldyn alý boıynsha profılaktıkalyq sharalar júrgizildi, Іle Alataý memlekettik ulttyq tabıǵı parki men «Medeý» tabıǵı saıabaǵy aýmaǵynda demalatyn turǵyndarǵa qoqysty jaǵýǵa jáne ot jaǵýǵa tyıym salynǵany týraly aqparat berildi.

Osyǵan baılanysty Almaty qalasy Tótenshe jaǵdaılar departamenti megapolıs turǵyndary men qonaqtaryna ormanǵa janyp turǵan sirińke men temeki tuqylyn tastaýǵa, ot, shóp jaǵýǵa, bótelke, áınek syndyrýǵa tyıym salynǵanyn taǵy da eske salady. Azamattardyń atalǵan tyıymdardy saqtamaýy órttiń órshýine ákelýi múmkin.

Eske salaıyq, órt qaýipsizdigi erejeleriniń talaptaryn buzǵany úshin jáne materıaldyq zııan keltirgeni úshin QR zańyna sáıkes, ákimshilik jáne qylmystyq jaýapqa tartý qarastyrylǵan.

Almatyda turyǵyndardyń qaýipsizdigin qamtamasyz etý úshin Aıýsaı men Aqsaı shatqalynda qorǵanys bógetteriniń qurylysy júrip jatyr.

Osyǵan baılanysty Úlken Almaty shatqalyna barýǵa shekteý qoıylǵan, alaıda qurylys alańynan ótýge bolady:

- 8 mamyr tańǵy 8:00-den 10:00 -ge deıin; 12-den 14 kúnge deıin; 17-den 19-ǵa deıin;

- 9 mamyrda ótkel kúni boıy týrıster úshin tolyqtaı ashyq bolady.


Joǵary qaraı