Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Tájikstannyń 12 azamaty zańsyz jumys istep júrgen

2021 jyldyń 22 qazan 2021 15:00

ALMATY. QazAqparat - Almatyda «Mıgrant» jedel-aldyn alý is-sharasy aıasynda qalada zańsyz turyp kelgen Tájikstan Respýblıkasynyń 12 azamaty anyqtaldy, dep habarlaıdy QazAqparat tilshisi.

Olar qyrkúıek aıynda Shyǵys Qazaqstan oblysy Aqtoǵaı kentinde elektr stantsııasyn salý úshin Qazaqstanǵa kelgen. Sodan bastap el aýmaǵynda belgilengen merzimnen artyq, ishki ister organdarynda tirkeýsiz júrgen.

– Tekserý kezinde Tájikstannyń 6 azamatynda jeke basyn kýálandyratyn qujattary bolǵan joq, olar ózderiniń kim ekenin anyqtaý úshin qabyldaý-taratý ornyna ornalastyryldy. Kóshi-qon zańnamasyn buzǵany úshin taǵy 6 adam QR ÁQBtK-niń 517-babynyń 4-bóligi boıynsha ákimshilik jaýapqa tartyldy.

Sheteldikter turǵan turǵyn úı-jaıdyń ıesi QR ÁQBtK-niń 493-baby jáne 518-babynyń 2-bóligi boıynsha jaýapqa tartyldy. Sondaı-aq, QR ÁQBtK – niń 519-babynyń 1-bóligi normalaryn buzǵan jumys berýshi de jazalandy», - dedi Almaty qalasy Polıtsııa departamenti Kóshi-qon qyzmeti basqarmasy bastyǵynyń orynbasary Gennadıı Men.

Sonymen qatar, Almaty qalasy Almaly aýdanyndaǵy turǵyn úı kesheninde Tájikstannyń 10 azamaty zańsyz turatyny anyqtaldy. Olardyń ekeýinde qujattary bolǵan joq, olardyń kim ekenin anyqtaý úshin qabyldaý-taratý ornyna jiberildi. Al 6 sheteldikke qatysty QR ÁQBtK-niń 517-baby 5-bóligi boıynsha ákimshilik hattamalar toltyryldy. Materıaldar Ákimshilik quqyq buzýshylyq boıynsha arnaýly aýdanaralyq sotyna jiberiletin bolady.


Avtor Dýman Arǵyngeldi
Basty sózder: Almaty, Zań, Mıgratsııa,
Joǵary qaraı