Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda termınal buzǵan er adam vıdeoǵa túsip qaldy

2021 jyldyń 14 qyrkúıek 2021 09:10

ALMATY. QazAqparat - Almatyda termınal buzýshynyń áreketi vıdeoǵa túsip qaldy, dep habarlaıdy UazAqparat tilshisi.

Almaty qalalyq polıtsııa departamentiniń málimetine sáıkes, er adam saýda úıleriniń biriniń kireberisinde ornatylǵan býkmekerlik keńselerdiń biriniń termınalyn buzyp shamamen 100 myń teńge alǵan.

Kúdikti ótip bara jatqan adamdardan uıalmastan termınaldaǵy qulypty ashyp, aqsha saqtaý qurylǵysyna qol jetkize otyryp, qajetti somany óziniń jeke kabınetindegi shotyna aýdarǵan.

Onyń qylmystyq áreketi beınebaqylaý kameralaryna túsip qalǵan.

«Bul bir jaǵynan kúdiktiniń kim ekenin anyqtaýǵa jáne onyń qylmysqa qatysyn dáleldeýge múmkindik berdi. 34 jastaǵy S. esimdi azamat ustaldy jáne qamaýda otyr. Er adam qylmysyn birden moıyndady. Aıǵaqty zattar tárkilendi»,- dedi Bostandyq aýdandyq polıtsııa basqarmasy bastyǵynyń mindetin atqarýshy Batýr Abdýmasarov.

Qylmystyq is QR QK 188-baby 3-bóliginiń 3-tarmaǵynda kózdelgen bap boıynsha tergelip jatyr.



Avtor Alma Muqanova
Basty sózder: Oqıǵa, Almaty, Zań,
Joǵary qaraı