Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda tórt kúnde 833 adam revaktsınatsııadan ótti

2021 jyldyń 26 qarasha 2021 19:00

ALMATY. QazAqparat - Almatydaǵy №22 emhana bas dárigeriniń orynbasary Aqerke Jomart revaktsınatsııanyń mańyzdylyǵy týraly aıtty, dep habarlaıdy QazAqparat tilshisi.

«Úshinshi vaktsına jańa shtamdardan qorǵaný úshin qandaǵy antıdenelerdiń jetkilikti deńgeıin damytýǵa múmkindik beredi. Ýaqyt óte kele vaktsınatsııalanǵandardyń koronavırýsqa ımmýndyq reaktsııasy tómendeıdi, sondyqtan 18 jastan asqan barlyq azamattar vaktsınatsııanyń ekinshi kezeńi engizilgennen keıin 6 nemese 9 aıdan keıin údetkish dozany alýy kerek», - dedi Aqerke Jomart.

Dárigerdiń aıtýynsha, halyqtyń revaktsınalanýy nátıjesinde koronavırýsqa qatysty jaǵdaı anaǵurlym basqarylatyn bolady.

Sonymen qatar, ol vaktsınatsııa aǵzanyń ımmýnıtetin álsiretpeıtinin tilge tıek etti.

«№ 22 emhanada tórt kún ishinde vaktsınanyń úshinshi dozasyn shamamen 30 medıtsına qyzmetkeri aldy. Men aqpan aıynda «Spýtnık V» preparatymen vaktsınatsııalandym, ekinshi komponentti naýryz aıynda aldym, al 24 qarashada otandyq QazVac preparatymen revaktsınatsııadan óttim»,- deıdi ol.

Almatyda barlyǵy 833 adam revaktsınalandy.


Joǵary qaraı