Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda turǵyndardy júk konteınerlerin satamyn dep aldap kelgen alaıaq qolǵa tústi

2021 jyldyń 24 qyrkúıek 2021 18:39

ALMATY. QazAqparat – Almatyda júk konteınerlerin satamyn deegen jeleýmen turǵyndarmen jalǵan kelisimshartqa otyryp, aqsha alǵan alaıaq qolǵa tústi, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, jedel-izdestirý is-sharalary aıasynda polıtseıler konteınerlerdi «satqan» kúdiktini anyqtady. Ol 26-jastaǵy jergilikti turǵyn bolyp shyqty.

«M. esimdi azamat aldaý josparyn jasap, sol boıynsha áreket etken. Habarlandyrýlar berip, kelissózder júrgizip, aqsha alǵan. Saıttardyń birinde konteınerlerdi tómen baǵamen satatyny týraly merzimdi túrde jarnama berip turǵan. Satyp alýshy paıda bolǵan kezde, aıyptalýshy onymen jalǵan sharttar jasasyp, taýar men jetkizý úshin júz paıyz aldyn ala tólem aýdarý týraly ýaǵdalastyqqa keledi. Tapsyrys berýshiniń qarajaty bank kartasyna aýdarylyp, aqshany alǵan soń, M. esimdi azamat baılanysqa shyǵýdy toqtatqan. Osydan soń alynǵan qarajatty qolma-qol aqshaǵa aınaldyryp, jasyrynǵan», - dedi Almaly aýdandyq polıtsııa basqarmasynyń bastyǵy Esen Ysqaqov.

Qazirgi ýaqytta birneshe jábirlenýshi anyqtaldy. Qylmystyq is QR Qylmystyq kodeksiniń 190-baby 3-bóligi boıynsha tergelýde. Ustalǵan azamat ýaqytsha ustaý ızolıatoryna qamaldy.


Avtor Dýman Arǵyngeldi
Basty sózder: Almaty, Qylmyspen kúres,
Joǵary qaraı