Aýa raıy
Astana -23 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda týrıster arasynda jaraqat alý jaǵdaılary kóbeıip barady

2020 jyldyń 28 qyrkúıek 2020 12:56

ALMATY. QazAqparat – Almatyda qutqarýshylar taýǵa shyqqandar arasynda jaraqat alýshylar kóp bolǵanyna alańdap otyr, dep habarlaıdy QazAqparat tilshisi.

Biryńǵaı dıspetcherlik qyzmetke 28 qyrkúıekke deıin 37 ret qońyraý túsken.

Jyl basynan beri qutqarýshylar bıik taý shyńynan 4 adamdy qutqaryp, qaıtys bolǵan 1 adamdy túsirdi.

Barlyǵy osy ýaqyt aralyǵynda taýda adasqan, jaraqat alǵan 68 týrıst qutqaryldy.

27 qyrkúıekte túski 15:30-te «109» qyzmeti Medeý taý shańǵysy kýrorty mańyndaǵy «Gorelnık» sarqyramasy mańynda 55 jastaǵy áıeldiń aıaǵyn qaıyryp alǵany týraly habarlama tústi.

«Bul áıeldi qutqarýǵa 5 adamnan turatyn ekıpaj jiberildi. Jaraqat alǵan áıel teńiz deńgeıinen 2300 metr bıiktikte ornalasqan Gorelnık sarqyramasy janynan tabyldy. Onyń sol aıaǵynyń tizesi shyǵyp ketken. Alǵashqy kómek kórsetilgen soń mamandar áıeldi arnaıy qutqarý zembiline salyp, tómendegi jedel járdem kóligine jetkizdi. Týrıst №4 aýrýhanaǵa jetkizildi», - dedi Almaty qutqarý qyzmetinen.

109 qutqarý qyzmeti almatylyqtarǵa taýǵa shyǵýda abaı bolýdy eskertedi.


Joǵary qaraı