Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Túıeler» dekoratıvti pannosy bastapqy qalpyna keltiriledi

2020 jyldyń 27 qarasha 2020 12:15

ALMATY. QazAqparat – Músin avtory, áıgili sýretshi-músinshi Pavel Shorohov Almaty ákimi Baqytjan Saǵyntaevtyń ótinishin qabyl aldy. Ol buzaqylardyń qolynan zardap shekken kompozıtsııany bastapqy qalpyna keltirýdi qolǵa aldy, dep habarlaıdy QazAqparat tilshisi.

Almaty ákimi Baqytjan Saǵyntaev Instagram paraqshasynda pannonyń almatylyqtar úshin súıikti sáýlet beıneleriniń birine aınalǵanyn jazdy.

«Túıeler» sándi-bederli pannosynyń avtory, músinshi Pavel Shorohov kompozıtsııany bastapqy qalpyna keltirý týraly ótinishimdi maquldady. 1982 jyly jasalǵan panno «Dostyq» skverinde tur. Búginde ol almatylyqtardyń súıikti arhıtektýralyq beıneleriniń birine aınaldy», – dep jazdy B. Saǵyntaev.

Almaty ákimi Pavel Shorohov Almatynyń vızıt kartochkasyna aınalǵan birqatar músinniń avtory ekenin eske saldy.




Olar — Arbatta turǵan «Oıyndaǵy balalar», «Flamıngo», «Lotos», sondaı-aq Qazaq memlekettik tsırkiniń janyndaǵy «Akrobatka», «Pantera», «Saıqymazaq» jáne taǵy basqa týyndylar.




Onyń jumystary Qazaqstan, Reseı, Germanııa, Avstrııa, Italııa mýzeılerine qoıylǵan.




Pavel Shorohovtyń aıtýynsha, qazir ol syrtqy qabyqty qalpyna keltirý jumysymen aınalysyp jatyr.

«Kórip turǵandaryńyzdaı, mys qabyqtyń oń jáne sol jaq shetteri julynyp qalǵan. Kóp zııan keltirilgen. Mys qabatynyń shamamen úshten bir bóligi zaqymdalǵan. Modeldiń ózi temirbetonmen qurastyrylǵan», - dep túsindirdi avtor.

Sonymen qatar, ol pannony qalpyna keltirý qıyn ekenin, ony jóndeýge shamamen on kún qajet ekenin atap ótti.


Avtor Alma Muqanova
Basty sózder: Mádenıet, Óner, Almaty, Ákim,
Joǵary qaraı