Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda úı karantınin buzǵan 412 adamǵa aıyppul salyndy

2021 jyldyń 24 qyrkúıek 2021 19:42

ALMATY. QazAqparat – Almatyda úı karantınin buzǵan «qyzyl» mártebesi bar 412 adamǵa aıyppul salyndy, dep habarlaıdy QazAqparat tilshisi.

«Ashyq arqyly 14 kúndik úı karantınin buzǵan 412 almatylyq ákimshilik jaýapqa tartyldy jáne aıyppul (30 AEK) tóledi», - dep habarlady sanıtarlyq-epıdemıologııalyq baqylaý departamentinen.

COVID-19 úshin PTR testi oń nátıjesin bergen almatylyqtar qoǵamdyq oryndarǵa baryp, «ASHYQ» boıynsha jumys isteıtin nysandarda-HQKO, meıramhana, fıtnes-ortalyqtar, áýejaı, kınoteatrlar, kompıýterlik klýbtar, basseınder jáne taǵy basqa nysandardyń qyzmetterimen paıdalanýǵa tyrysty.

Ózin-ózi oqshaýlaý rejımin buzatyn turǵyndar medıtsınalyq uıym, áleýmettik sala, bilim berý, keńse uıymdary, bankter, saýda, qarjy naryǵy, áleýmettik qyzmetter, qoǵamdyq tamaqtaný jáne basqa da nysandardyń qyzmetkerleri ekeni anyqtaldy.

Sonymen qatar, «ASHYQ» jobasynyń qatysýshylaryna Almaty qalasynda koronavırýstyq ınfektsııanyń taralýyna jol bermeý maqsatynda barlyq kelýshilerdi skanerleý qajettiligin eske salamyz.

«Qyzyl» mártebedegi adamdar Ashyq jobasy boıynsha jumys isteıtin nysandarǵa kirgizilmeıdi.

Quqyq buzýshylardyń tolyq tizimin myna jerden tabýǵa bolady.

Sanıtarııalyq-epıdemıologııalyq baqylaý departamenti ambýlatorlyq em alyp jatqan azamattardy ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilikti umytpaýǵa shaqyrady.

Juqtyrǵandarmen baılanysta bolǵan adamdar da ózin-ózi oqshaýlaý rejımin saqtaýy jáne basqa adamdardyń juqtyrýyn boldyrmaý úshin adamdar jappaı jınalatyn oryndarǵa barýdan bas tartýy tıis.


Avtor Alma Muqanova
Basty sózder: Almaty, Koronavırýs, Karantın,
Joǵary qaraı