Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda úıinen qashyp ketken bala 5 kúnnen keıin saýda ortalyǵy mańynan tabyldy

2020 jyldyń 4 tamyz 2020 17:16

ALMATY. QazAqparat – Almatyda úıinen qashyp ketken 13 jastaǵy bala saýda ortalyǵynyń janynan tabyldy, dep habarlaıdy QazAqparat tilshisi.

Almaty qalalyq PD-nyń ıývenaldy polıtsııa qyzmetkerleri qadaǵalaýsyz jáne qaraýsyz júretin kámeletke tolmaǵandardy anyqtaý maqsatynda reıd ótkizdi.

«Basty maqsat - kámeletke tolmaǵandar arasyndaǵy quqyq buzýshylyqtyń aldyn alý jáne boldyrmaý, qadaǵalaýsyz jáne qaraýsyz ómir saltyn júrgizetin kámeletke tolmaǵandardy, onyń ishinde túnde kóshede júretinderin anyqtaý úshin júrgizildi. Reıd barysynda ıývenaldy polıtsııa qyzmetkerleri túngi saǵat 22:00 shamasynda «Sıtı Plıýs» saýda ortalyǵynyń aýmaǵynda 13 jastaǵy balany taýyp aldy. 2007 jyly týǵan T. esimdi bala Almaty oblysy, Qarasaı aýdanynyń turǵyny ekeni anyqtaldy. Ol úıinen qashyp ketken jáne ony jergilikti polıtsııa qyzmetkerleri izdep jatqany belgili boldy», - dedi Áýezov aýdanynyń polıtsııa basqarmasynyń bastyǵy Álisher Tursynbetov.

Spıkerdiń aıtýynsha, kámeletke tolmaǵan ul balany polıtsııa men týystary bes kún boıy izdegen.

«Bala ata-anasyna tapsyryldy, mamandar olarmen kámeletke tolmaǵan balany tárbıeleý mindetterine qatysty áńgime ótkizdi. Osy múmkindikti paıdalanyp, azamattardy nemquraıly bolmaýǵa jáne jalǵyz júrgen balalarǵa nazar aýdarýǵa shaqyramyn. Múmkin dál sol sátte balaǵa úlkenderdiń qoldaýy men kómegi qajet bolýy múmkin», - dep túıindedi Álisher Tursynbetov.


Avtor Alma Muqanova
Basty sózder: Almaty, Qoǵam, QR ІІM,
Joǵary qaraı