Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Úzdik aýla - 2021» jeńimpazy anyqtaldy

2021 jyldyń 20 qyrkúıek 2021 02:14

ALMATY. QazAqparat- Almatyda «Úzdik aýla - 2021» jeńimpazy anyqtaldy. Qala ákimi Baqytjan Saǵyntaev júldeger atanǵan aýla turǵyndaryna 5 mln teńgeniń sertıfıkatyn tabys etti, dep habarlaıdy QazAqparat tilshisi.

Baqytjan Saǵyntaevtyń aıtýynsha, baıqaýdyń negizgi maqsaty – aýlany kógaldandyrýda jańa sheshim tabý, qala turǵyndarynyń belsendiligi men shyǵarmashylyǵyn yntalandyrý.

Aýla aýmaǵyn eń jaqsy abattandyrýǵa arnalǵan baıqaý turǵyndardy jasyl aýmaqtar qurýǵa qatysýǵa yntalandyrdy. Sonymen qatar, mundaı baıqaý jas urpaqtyń ekologııalyq tárbıesine oń áser etedi.

Baıqaýǵa qatysqysy keletinder óte kóp boldy – qazylar alqasyna 324 aýla usynyldy, olardyń 85-i tańdap alyndy. Kógaldandyrý ıdeıasy sonshalyqty ádemi jáne erekshe bolyp shyqty, sondyqtan jeńimpazdardy tańdaý ońaıǵa túspegen. Gran-prı jeńimpazyn anyqtaý úshin Qoǵamdyq keńes músheleri, landshaf sáýletshileri, qoǵamdyq uıymdardyń basshylarynan qazylar alqasy quryldy. Al 1-3 oryn úshin jeńimpazdar elektrondy daýys berý arqyly anyqtaldy.





Eske salsaq, baıqaý tamyz aıynyń sońynda jarııalandy, al ótinim qabyldaý 3 qyrkúıekte bastaldy. Materıaldyq qordy, aýlany kógaldandyrýǵa qajet zattardy, ósimdikterdi satyp alý úshin bólinetin bas júlde 5 mıllıon teńgeni Túrksib aýdanyndaǵy Montajnaıa kóshesindegi 15-turǵyn úıdiń aýla turǵyndary jeńip aldy.





«Biz aýlany jeńý úshin kógaldandyrǵan joqpyz, bul burynnan kele jatqan dástúr. Bizdiń turǵyndar óte tatý, olar ózderi turatyn qalasyn jaqsy kóredi. Almaty kýnindegi bul júlde biz úshin úlken syılyq. Men Almaty turǵyndaryna aýlany kútip-baptaýǵa, olarǵa qamqorlyq jasaýǵa, bastamashylyqty tanytýǵa shaqyramyn», - dedi ıAna Chıstılına.





Qazylar alqasynyń múshesi, landshaft sáýletshisi Gúlzada Qaldybaeva qala turǵyndarynyń aýlasyn jaqsartýǵa degen umtylysy joǵary ekenin atap ótti.

«Turǵyndarymyz ózin úlgi retinde kórsetip óz eńbegimen jaıly jaǵdaıda ómir súre alatyn kórsetti. Áriptesterimizben birge biz kóshettiń sanyn ǵana emes, sonymen qatar aramshópterden tazalyǵyn da baǵaladyq, sýarýǵa, kógaldardyń jaǵdaıyna, kishi arhıtektýralyq pishinderdiń bolýyna nazar aýdardyq», - dedi Gúlzada Qaldybaeva.





Almatyda 4 183 aýla bar. Ótken jyldary 3 myńǵa jýyq aýla jóndeldi. Shamamen 550 aýla jańa kóppáterli turǵyn úıdiń aýmaǵyna nemese apatty úılerge jatady, sondyqtan olardy jóndeý múmkin emes. Bıyl «Bıýdjetke qatysý» jobasy aıasynda 536 aýlany jańartý josparlanǵan.


Joǵary qaraı