Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda zańsyz oıyn bıznesin uıymdastyrǵandar 4,5 jylǵa sottaldy

2021 jyldyń 3 tamyz 2021 10:26

ALMATY. QazAqparat - Almatyda zańsyz oıyn bıznesine qatysy bar jalǵa berýshi men uıymdastyrýshylar sottaldy, dep habarlaıdy QazAqparat.

Qarjylyq monıtorıng agenttiginiń Almaty qalasy boıynsha aýmaqtyq departamenti kompıýterlik klýb túrindegi zańsyz oıyn bıznesin uıymdastyrýshylarǵa qatysty sotqa deıingi tergeýdi aıaqtady.

Jedel-tergeý sharalary barysynda kóleńkeli aınalymnan stavka qabyldaý, utystardy esepteý jáne berý fýnktsııalary jáne onlaın-kazıno uıymdastyrýǵa múmkindik beretin qosymshalary bar 104 oıyn kompıýteriniń jıyntyǵy tárkilenip alyndy.

Zańsyz oıyn bıznesin uıymdastyrýshylar QR QK 307-babynyń 3-bóliginiń 2-tarmaǵymen (asa iri mólsherde kiris alýmen zańsyz oıyn bıznesin uıymdastyrý) qarastyrylǵan qylmysty jasaǵany úshin kináli dep tanylyp, 4,5 jylǵa bas bostandyǵynan aıyryldy.

Budan basqa, 5,5 mln teńgeden astam mólsherde zańsyz kiriske ıe bolǵan zańsyz oıyn bıznesi úshin úı-jaıdy jalǵa bergen turǵynǵa qatysty úkim shyqty.

Sot oǵan 1 jyl 6 aı merzimge bas bostandyǵyn shekteý jazasyn taǵaıyndady.

QR QQA Qylmystyq kodekske sáıkes oıyn bıznesin uıymdastyrǵany úshin, sondaı-aq zańsyz qumar oıyndarǵa jalǵa úı-jaı usynǵany úshin qylmystyq jaýapkershilik qarastyrylǵanyn eskertedi.


Joǵary qaraı