Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda zeınetkerler arasynda spartakıada ótti

2021 jyldyń 27 qyrkúıek 2021 13:22

ALMATY. QazAqparat - Almatyda zeınetkerler arasynda spartakıada ótti. Іs-shara Táýelsizdiktiń 30 jyldyǵy men «1 qazan - Halyqaralyq Qarttar kúni» merekesine oraı ótti, dep habarlaıdy QazAqparat tilshisi.

Alataý aýdanynyń zeınetkerleri arasynda uıymdastyrylǵan spartakıada «Zerdeli» yqsham aýdanynda ótti. Qarttarymyz júgirý, sekirý, dop laqtyrý jáne darts sııaqty sport túrlerinen baq synasty. Jaqsy nátıje kórsetken zeınetkerler júldeli oryndarǵa ıe boldy.

Saıysta birinshi orynǵa «Shańyraq» yqsham aýdanynyń ardagerler uıymy ıe boldy. Basqa da qatysýshylar men jeńimpazdar Alataý aýdany ákiminiń dıplomdary jáne yntalandyrý syılyqtarymen marapattaldy.

Alataý aýdanynyń ákimi Azamat Qaldybekov: «Táýelsiz elimizdiń ósip-órkendeýine úlesterin qosqan, sanaly ǵumyrlaryn Otan dep, tynymsyz eńbekterimen memleketimizdiń negizin salýǵa jol ashqan qarttarymyzdyń tól merekesi qutty bolsyn! Qarttarymyz árqashan ortamyzda osylaı urpaqtarynyń qyzyǵyna kenelip júre bersin. Denderińizge saýlyq, otbasylaryńyzǵa amandyq, qut-bereke tileımin»,- dep quttyqtaý sózin jetkizdi.


Joǵary qaraı