Almatyda jalǵa beriletin baspana baǵdarlamasy boıynsha ótinim qabyldaý bastaldy
ALMATY. QazAqparat – Almatyda jumys isteıtin jastarǵa satyp alý quqyǵynsyz úıdi jalǵa alý memlekettik baǵdarlamasy boıynsha ótinim qabyldaý bastaldy, dep habarlaıdy QazAqparat tilshisi.
«30 maýsymnan 3 shilde aralyǵynda Almaty qalalyq Turǵyn úı saıasaty 29 jasqa deıingi jumys isteıtin jastardan «Nurly jer» memlekettik baǵdarlamasy aıasynda satyp alý quqyǵynsyz jalǵa úı berý baǵytynda qujat qabyldaýdy bastady», - dedi basqarmadan.
Ótinimder men qujattar www.almaty-jastary.kz saıty arqyly beriledi. Saıttaǵy avtorızatsııa elektrondy qoltańba arqyly júrgiziledi.
Bul baǵdarlama boıynsha baspana 5 jylǵa jalǵa beriledi. Qazir Alataý aýdanyndaǵy 13-shaǵynaýdanda 1 bólmeli páterlerden besinshi pýl jasaqtalǵan.
Baǵdarlamaǵa qatysý sharttarymen myna jerden tanysýǵa bolady.
