Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda Jambyl Jabaevtyń 175 jyldyǵyna arnalǵan kórme ashyldy

2021 jyldyń 16 maýsym 2021 10:38

ALMATY.QazAqparat – QR Memlekettik Á. Qasteev atyndaǵy óner mýzeıinde Jambyl Jabaevtyń týǵanyna 175 jyl tolýyna arnalǵan «Baqyt týraly jyr» atty mereıtoılyq kórme ashyldy, dep habarlaıdy QazAqparat tilshisi.

Kórmege Á. Qasteev atyndaǵy óner mýzeıi qorynan alynǵan 30-dan astam keskindemelik, grafıkalyq jáne músindik týyndylary qoıyldy.

«Kórmede Jambyl beınesin jazǵan qylqalam sheberleriniń týyndylary, onyń ómiriniń keń tanylǵan, sońǵy on jylyn kóbirek qamtyǵan. Jambyldy ómirde óz kózimen kórip, beınelegen sýretshilerdiń biri, B.Chekalın, Á. Qasteev, R. Ardatov, N. ıAgodkın. B. Chekalın úshin Jambyl týyndylary kúndelikti ómirimen ushtasyp jatty, keıipkerdiń árbir sátterin kózden tasa jibermeı beıneleýge tyrysty. B.Chekalınniń Jambyl taqyrybyndaǵy eńbekterin uly jyraýdyń ómir jolyn baıandaıtyn keń kólemdi monografııa desek te bolady. Á. Qasteev, Jambyl beınesine birneshe ret toqtalǵan, aqynǵa arnap «Halyq aqyny Jambyldyń portreti» (1937), «Jambyl dostary arasynda» (1971) atty týyndylaryn jaryqqa shyǵardy. Á. Qasteev Jambyldy qansha ret beınelese, sonsha ret birin-biri qaıtalamaıtyn kelbet jasady. Ol ótken eńbekterin qaıtalamaý úshin aqynyń psıhologııalyq ishki jan dúnıesiniń alýan qyryn asha bilgen»,-deıdi kórme jetekshisi Laýra Ábildaeva.




R. Ardatovtyń «Jambyl áni» (1940), Á. Ysmaıylovtyń «Dostyq áni» (1972) týyndylarynda Jambyldy kóp tulǵalyq kompozıtsııanyń ortańǵy bóligine ornalastyrǵan. Sýretshiler osyndaı kompozıtsııalyq sheshim arqyly, ózderiniń týyndylaryndaǵy aqyn obrazyn eldiń oıyn, muń-muqtajyn óz óleńderinde jyrlaıtyn halyqtyń adamy degen oıdy bildiredi.

Keskindemelik portret janrynda A. Rıttıh, A. Cherkasskıı, G. Ysmaıylova syndy sýretshilerdiń jazǵan Jambyl beınesinen danalyqtyń, meıirim men zerdeliktiń, tabandylyqtyń nyshandary baıqalady.




«Grafıkalyq portret janrynda, N. Krýtılnıkovtyń 1957 jyly akvarelmen jazǵan Jambyldyń júzindegi árbir syzyqtarǵa deıin anyq jáne tabıǵı jetkizilgen. Jambyl oıly, ornyqty, jınaqy, ashyq janary zerdeli bolyp kórinedi. Al, N. Gaev, A. Zakvorıashınniń týyndylaryndaǵy aqynnyń qatqyldaý oıly júzinen ótkenniń ótkir bolmysyn kórsetkendeı.1983 jyly Á. Qasteev atyndaǵy óner mýzeıiniń qoryna Ýkraınanyń Sýmy qalasynan N. ıAgodkınniń 1939 jáne 1940 jyldary akvarelmen jazylǵan eki portreti tústi. Týyndylarda boıaý tústeri názik, árbir usaq detaldardy uqyptylyqpen beınelegen.Uly otan soǵysy jyldaryndaǵy Jambyldyń shyǵarmashylyǵynyń shyńyna aınalǵan «Lenıngradtyq órenderim» atty óleńin T. Govorova óziniń serııalyq lınogravıýralarynda kórsetti» - deıdi Laýra Ábildaeva.

«Baqyt týraly jyr» kórmesinde ár túrli ult pen tarıhı kezeńdegi keskindemeshilerdiń, grafıkterdiń jáne músinshilerdiń shyǵarmalary «HH ǵasyrdyń Gomeri» Jambyl Jabaıulynyń epıkalyq beınesin óz shyǵarmalarynda naqtyly túrde kórsetýge umtylǵan biriktirilgen týyndylary usynylǵan.












Joǵary qaraı