Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Jambyl jyraý» operasynyń premerasy ótti

2021 jyldyń 3 jeltoqsan 2021 21:33

ALMATY. QazAqparat - Abaı atyndaǵy ulttyq memlekettik akademııalyq opera jáne balet teatrynyń úlken sahnasynda kompozıtor Álqýat Qazaqbaevtyń «Jambyl jyraý» operasynyń premerasy ótti, dep habarlaıdy QazAqparat tilshisi.

Opera bastalar aldynda QR Memlekettik hatshysy Qyrymbek Kósherbaev quttyqtaý sóz sóıledi. Ol barsha jınalǵan qaýymdy uly aqyn Jambyl Jabaevtyń 175 jyldyǵymen quttyqtap, Tuńǵysh Prezıdent – Elbasy Nursultan Nazarbaev pen QR Prezıdenti Qasym-Jomart Toqaevtyń quttyqtaý hattaryn oqyp berdi.

QR Memleket hatshysy ýaqyt ótken saıyn jyr alyby Jambyldyń qaıtalanbas tulǵasy asqaqtaı beretinin tilge tıek etti.
«Soǵystyń almaǵaıyp alasapyran shaǵynda jasyndaı jyrlarymen jaýyngerlerge dem bergen uly aqyn bir ǵana «Lenıngradtyq órenderim» atty dastanymen mıllıondaǵan jannyń úmitine dem berip, áli kúnge jyrsúıer júrekterdiń tórinde tur emes pe? Qyzyry – qyzyl jolbarys bolǵan jyr jampozy aty túgel túrkige, tipti álem halyqtaryna jaıylǵany aqıqat. Uly sýretker Muhtar Áýezov: «Jambyl – aqyl-oıdyń alǵyry, ózgege uqsamaıtyn dara, oqshaý bet-beınesimen asa zor qubylys. Onyń bir ózi – ári epık aqyn, ári aıtys aqyny, ári azamattyq áýenniń de aqyny» – dep jazǵan. Biz búgin rýhyna taǵzym etip otyrǵan Jambyl Jabaev kezdeısoq qubylys emes ekeni anyq. Ol tarıh ózi dúnıege ákelgen halqymyzdyń birtýar perzentteriniń biri. Qazaqtyń aqyndyq óneriniń qazanynda qaınap, ejelgi aýyz ádebıetiniń káýsarymen sýsyndap, aqyndyq, jyraýlyq dástúrdiń HH ǵasyrdaǵy týyn bıikke kótergen dana-abyz, uly jyraý», - dedi Qyrymbek Kósherbaev.




Sonymen qatar, ol Táýelsizdik jyldarynda «Mádenı mura» baǵdarlamasy qabyldanyp, rýhanııatymyz túgendelgenin atap ótti.
«Keshegi Edilden aıyrylǵan qazaqtyń Esildiń jaǵasynda boı kótergen eńseli elordasy ulttyq ıdeıamyzǵa aınaldy. Túgel túrki jurty pash etetin rýhanı astanamyz – tarıhı Túrkistan qaıta jańǵyryp, boı kóterýde. Osynaý eldiń qýanyshyna aınalǵan tolaǵaı tabystardyń bárine Elbasynyń dara kóshbasshylyǵynyń ári elimizdiń danalyǵy men parasatynyń, birligi men yntymaǵynyń arqasynda qol jetti. Egemen elimizde rýhanı-mádenı baǵytta atqarylyp jatqan ıgilikti isterdiń barlyǵy uly aqynnyń urpaǵy Nursultan Ábishulynyń «Rýhanı jańǵyrý» baǵdarlamasy aıasynda tıimdi júzege asyrylýda. Mán-maǵynasy tereń bul baǵdarlama tarıhı sanany qalyptastyrýǵa, qazaq halqynyń memlekettiligi men ulttyq biregeıligin nyǵaıtýǵa, tól mádenıetimiz ben ádebıetimizdi órkendetýge erekshe serpin berdi», - deıdi ol.
Bıyl Memleket basshysy Qasym-Jomart Toqaevtyń bastamasymen «Ulttyq rýhanı jańǵyrý» ulttyq jobasy qabyldandy.
«Mazmuny jaǵynan aýqymdy, máni tereń bul jobanyń taǵylymdy sabaqtastyǵynyń arqasynda jarasymdy jalǵasyn taýyp, qoǵamnyń mádenıetin kóterip, rýhanı baılyǵyn arttyra túsetindigine senimimiz mol. Ult rýhanııatynyń temirqazyǵyndaı bolǵan bıylǵy Jambyl Jabaevtyń mereıtoıy da – halqymyzdyń rýhanı jańǵyrýynyń bir belgisi. Jyl basynda Memleket basshysynyń Jarlyǵymen uly aqynnyń 175 jyldyq mereıtoıyn joǵary dárejede uıymdastyrý maqsatynda arnaıy Memlekettik komıssııa quryldy. 2021 jylǵy 31-shi naýryzda «Túrkistan – túrki áleminiń rýhanı astanasy» taqyrybynda ótken Túrkitildes memleketterdiń yntymaqtastyq keńesiniń beıresmı sammıti aıasynda «Túrkistan deklaratsııasy» qabyldanyp, onda Jambyl Jabaevtyń 175 jyldyǵyn túrki áleminiń uly tulǵalarynyń mereıtoıy retinde keńinen atap ótý jóninde sheshim qabyldandy. Sondyqtan Jambyl Jabaevtyń mereıtoıy qazaq halqynyń ǵana emes, tutas túrki álemine ortaq uly toı desek, artyq aıtqandyq emes. Búginge deıin uly aqynnyń mol murasyn nasıhattap, dáripteýge baılanysty mádenı sharalar bekitilgen Jospar boıynsha iske asyryldy», - dedi QR Memlekettik hatshysy.
Mereıli jyldyń qorytyndysy retinde búgin kórermen nazaryna «Jambyl jyraý» operasy usynyldy.

































































Joǵary qaraı