Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jańa 190 trolleıbýs satyp alynady

2022 jyldyń 24 qańtar 2022 16:02

ALMATY. QazAqparat – Almaty qalalyq mobıldilik basqarmasynyń basshysy Ǵanı Myrzahanov onlaın brıfıng barysynda trolleıbýs parkin modernızatsııalaý týraly aıtty, dep habarlaıdy QazAqparat tilshisi.

Spıkerdiń sózinshe, Almatyda trolleıbýs jelilerin jańǵyrtý jumystary jalǵasyp jatyr.

«172 shaqyrym baılanys jelisi qaıta jańartyldy. 604 jańa tirek ornatyldy. Jalpy 38 kóshede jumystar júrgizilmek. Jelilerdi qalpyna keltirý jumystary bıyl aıaqtalady», - dedi basqarma basshysy.

Sonymen qatar, ol trolleıbýs parkin modernızatsııalaý aıasynda 190 trolleıbýs satyp alatynyn jetkizdi.

«10 qosalqy stansasyn qaıta jańǵyrtý jáne 190 trolleıbýs satyp alý josparda. Eýropa qaıta qurý jáne damý bankimen (EQQDB) aldyn ala qarjylandyrý kelisimine qol qoıyldy. Bıyl 100 trolleıbýs satyp alamyz. Olar jyl sońyna deıin nemese kelesi jyldyń basynda qalaǵa jetkiziledi. Qalǵan 90-ny eki jyl ishinde ákelinedi»,-deıdi Ǵanı Myrzahanov.

Aıta keteıik, 2021 jyldyń tamyz aıynda Seıfýllın kóshesindegi 1-vokzaldan Raıymbek dańǵylyna deıingi trolleıbýstardyń baılanys jelileri aýystyryldy.


Avtor Alma Muqanova
Basty sózder: Qoǵam, Kólik, Almaty,
Joǵary qaraı