Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jańadan salynǵan asfalt buzyldy

2021 jyldyń 24 sáýir 2021 12:35

ALMATY. QazAqparat - Byltyr turǵyndardyń shaǵymynan keıin salynǵan jańa asfalt qaıtadan jaramsyz bolyp qaldy. Endi qurylys kompanııa jaýapsyz merdigerlerdiń «qara tizimine» enýi múmkin, dep habarlaıdy QazAqparat tilshisi.

Alataý aýdanynyń turǵyndary buzylǵan asfalttyń vıdeosyn áleýmettik jelide jarııalady.

Almaty qalasy energotıimdilik jáne ınfraqurylymdyq damý basqarmasynyń habarlaýynsha, Alataý aýdanynyń aýmaǵynda sý qubyry jáne káriz jelilerin tartý jónindegi sharttyń talaptaryn oryndamaǵan «Sapa qurylys» JShS memlekettik satyp alýdyń josyqsyz qatysýshylary tizilimine engizilýi múmkin.

Almaty qalasy energotıimdilik jáne ınfraqurylymdyq damý basqarmasynyń tapsyrysymen júrgizilgen «Shańyraq-1» shaǵyn aýdanyndaǵy sýmen jabdyqtaý jáne sý burý jelileriniń qurylysy boıynsha bastalǵan jumystar barysynda jaýapty tulǵalardyń salǵyrttyǵynan qurylys brıgadasy Kókoraı kóshesiniń asfalt jabynyn búldirip tastaǵan.

Jobaǵa sáıkes, bul kóshede eshqandaı qazý jumysy júrgizilmeýi tıis.

Qazirgi ýaqytta JShS 505-baptyń 1-bóligi «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha ákimshilik jaýapkershilikke tartyldy.

Qurylys kompanııasya óz qarajaty esebinen qysqa merzimde jol tósemin qalpyna keltirý qajettiligi týraly shaǵym da jiberildi. Ony memlekettik satyp alýǵa josyqsyz qatysýshylardyń tizilimine engizý máselesi qarastyrylyp jatyr.


Avtor Alma Muqanova
Basty sózder: Almatydaǵy terakt, Jol,
Joǵary qaraı