Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jappaı tártipsizdik kezinde zardap shekken kásipkerlerdiń shyǵyny qalaı óteledi

2022 jyldyń 19 qańtar 2022 17:28

ALMATY. QazAqparat - Almatyda jappaı tártipsizdik kezinde keltirilgen shyǵynnyń jalpy somasy 95 mlrd teńgeden asady. 1600 kásipkerlik sýbekti zardap shekti. Onyń 96 paıyzy shaǵyn jáne orta bıznes ókilderi. Bul týraly brıfıng barysynda qala ákiminiń orynbasary Іlııas Óserov málim etti, dep habarlaıdy QazAqparat tilshisi.

Onyń aıtýynsha, zardap shekken shaǵyn jáne orta bızneske ótemaqy tóleý mehanızmi ázirlengen. Bul baǵytta memlekettik organdardyń qatysýymen arnaıy komıssııa jumys isteıdi. Onyń quramyna depýtattar men qoǵamdyq birlestikter, «Atameken» UKP-nyń qyzmetkerleri kirdi.

«Bıznes sýbektileriniń ótinishi elektrondy túrde Infokazakhstan.kz saıtynda qabyldanady. Onda jeke kásipker men zańdy tulǵalar ózderiniń kásipker ekenin rastaıtyn jáne keltirilgen shyǵynnyń foto, vıdeosyn kórsetedi. Sodan soń ony óńirlik jáne qor komıssııasy 5 kún ishinde qaraıdy. Qazir Almatyda ákiminiń tapsyrmasymen qurylǵan Óńirlik komıssııa jappaı tártipsizdikten qalaǵa keltirilgen shyǵyndy áli eseptep jatyr. Búgingi kúni aldyn ala boljam boıynsha jalpy shyǵyn 95 mlrd teńgeden asty. Onyń ishinde 54 ákimshilik nysan zaqymdanǵan. Quqyqqorǵaý jáne kommýnaldyq qyzmettiń 260 kóligi, odan bólek jeke tulǵalardyń 150 avtokóligi órtengen, ıaǵnı 2 mlrd teńgeden astam shyǵyn keldi»,- deıdi Іlııas Óserov.

Spıkerdiń sózinshe, qalada 1600-ge jýyq bıznes sýbektisi zardap shekti. Oǵan keltirilgen shyǵyn 66,5 mlrd teńge kóleminde. Onyń 96 paıyzy shaǵyn jáne orta bıznes ókilderine tıesili.

Budan bólek, Almaty qalasynyń ákimdigi qarjylyq jáne qarjylyq emes qoldaý sharalaryn ázirlep jatyr.


Joǵary qaraı