Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jappaı tártipsizdikke qatysqan 2 ekstremıstik top quryqtaldy – QR UQK

2022 jyldyń 10 qańtar 2022 09:16

NUR-SULTAN. QazAqparat - Qazaqstan Respýblıkasy Ulttyq Qaýipsizdik Komıteti jappaı tártipsizdik pen terrorıstik aktige qatysqandardy ustaý jáne jasalǵan qylmystardyń sebepterin anyqtaý boıynsha keshendi is-shara júzege asyrylyp jatyr.

QR UQK baspasóz qyzmetiniń habarlaýynsha, osy baǵyttaǵy jumystardyń nátıjesinde nátıjesinde 2022 jyldyń 4-8 qańtar aralyǵynda Almaty qalasyndaǵy jappaı tártipsizdikke qatysqan 2 ekstremıstik top quryqtaldy.

9-qańtarda, ekstremıstik áreketke aldap-arbaý, ekstremıstik uıymǵa basshylyq etý jáne oǵan qatysý, sondaı-aq jappaı quqyqqa qaıshy aktsııalardy júrgizý kúdigimen bir uıashyqtyń 4 múshesi ustaldy.

Turǵylyqty mekenderin tekserý barysynda atys qarýy, granatalar, oq-dáriler jáne dinı ádebıetter zattaı aıǵaq retinde tárkilendi.

Uıym jetekshisi halyqaralyq terrorıstik uıymmen baılanysy bar, jappaı tártipsizdikke belsendi túrde atsalysqan shetel azamaty bolyp tabylady.




Tergeý tujyrymy boıynsha, ol Qazaqstanǵa jappaı quqyqqa qaıshy aktsııalardy daıyndap, sondaı-aq bılik organdary men qarýly qurylymdarǵa shabýyl jasaý úshin kelgendigi anyqtaldy.

«Oǵan osy maqsatta kómek berýshilerdi izdestirý uıymdastyryldy. Tergeý qyzyǵýshylyǵyna sáıkes keıbir aqparattardy jarııalaý ázirge múmkin emes»,-delingen QR UQK baspasóz-qyzmeti taratqan aqparatta.

Jedel jáne tergeý sharalary jalǵasýda.

Sonymen qatar, keıbir BAQ-ta jáne áleýmettik jelilerde QR UQK Almaty qalasy boıynsha departamenti qarý-jaraqtar, oq-dáriler, basqa da múlikter urlanǵany jaıynda taralǵan aqparattar jalǵan bolyp tabylady.

Terrorıstik qaýiptiń «qyzyl» deńgeıiniń talaptaryna sáıkes, departament kúsheıtilgen tártipte qyzmet atqarýda.





Joǵary qaraı