Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jasóspirim qyz 12-qabattan sekirip kóz jumdy

2021 jyldyń 2 jeltoqsan 2021 20:41

ALMATY. QazAqparat - Almatyda jasóspirim qyz óz-ózine qol jumsady, dep habarlaıdy QazAqparat tilshisi.

Qyzdyń 12-qabattan sekirgeni jaıly vıdeo men foto áleýmettik jelide tarady.

Osyǵan baılanysty Almaty qalalyq polıtsııa departamenti málimet berdi. Oǵan sensek, qaıǵyly oqıǵa keshki saǵat 16:00 shamasynda Almaly aýdanynda bolǵan.

«Atalǵan derek Qazaqstan Respýblıkasy Qylmystyq kodeksiniń 105-baby boıynsha sotqa deıingi tergep-tekserýdiń biryńǵaı tizilimine tirkeldi. Oqıǵanyń sebepteri men mán-jaıy anyqtalyp jatyr»,- dep habarlady polıtsııadan.

Buǵan deıin Almatyda 28 jastaǵy áıel men onyń 2015, 2016 jáne 2019 jyly týǵan úsh kishkentaı balasy 9-qabattyń terezesinen sekirip ketken bolatyn.

Áıel men eki balasy oqıǵa ornynda kóz jumdy. Taǵy bir bala jedel járdem kóliginde qaıtys boldy.

Keıin áıeldiń ólim aldyndaǵy qoshtasý haty tabyldy.


Avtor Alma Muqanova
Basty sózder: Almaty, Oqıǵa, Sýıtsıd,
Joǵary qaraı