Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda «Jasyl qala» naýqany bastaldy

2021 jyldyń 18 qazan 2021 14:22

ALMATY. QazAqparat - Almatyda «Jasyl qala» naýqany bastaldy, dep habarlaıdy QazAqparat tilshisi.

«Jasyl qala» naýqany aıasynda kópqabatty úılerdiń aýlasy men qoǵamdyq keńistiktikterdi kógaldandyrýǵa nıetti árbir almatylyq shaǵan, úıeńki, shegirshin, tirek, qaraǵan men qaıyńnyń kóshetterin tegin ala alady. Naýqan qatysýshylary otyrǵyzylǵan taldardy aldaǵy eki jyl boıy kútip-baptaý týraly kepildi mindettemege qol qoıatyndyǵyn eskergen jón.

Almaty qalasy jasyl ekonomıka basqarmasynda «Jasyl qala» naýqanyna qatysý sharttary túsindirildi.

«Naýqanǵa qatysý úshin zeleniy_dvor_almaty@mail.ru elektrondy poshtasyna kelesi málimetterdi joldaý qajet:

1. Qatysýshynyń aty-jóni men telefon nómiri, tal otyrǵyzylatyn orynnyń naqty meken-jaıy;

2. Tal otyrǵyzylatyn orynnyń fotosy (mamandarǵa oryndy tolyqtaı baǵalaýǵa múmkindik bolýy úshin panoramalyq formatta bolǵany jón);

3. Suralyp otyrǵan kóshet túri men sany.

Ótinishter 18-31 qazan aralyǵynda qabyldanady.

Kóshetter kelesi meken-jaılarda taratylady:

- Alataý aýdany ákiminiń apparaty, Janqoja batyr kóshesi, 26;

- Almaly aýdany ákiminiń apparaty, Abylaı han dańǵyly, 74a;

- Áýezov aýdany ákiminiń apparaty, Altynsarın dańǵyly, 27a;

- Bostandyq aýdany ákiminiń apparaty, Aımanov kóshesi, 191;

- Medeý aýdany ákiminiń apparaty, Pýshkın kóshesi, 72;

- Naýryzbaı aýdany ákiminiń apparaty, Shuǵyla yqsham aýdany, 347;

- Jetisý aýdany ákiminiń apparaty, Serikov kóshesi, 2a;

- Túrksib aýdany ákiminiń apparaty, Sholohov kóshesi, 9.

Tal otyrǵyzý jumystaryn 1-15 qarasha aralyǵynda júrgizip, fotoesep joldaý qajet. Kórsetilgen ýaqyttan keıin joldanǵan ótinishter qarastyrylmaıdy. Qosymsha aqparat alý úshin Jasyl qordy baqylaý bólimine: 272-54-89, 87479958147 telefon nómirlerine habarlasýǵa bolady»,- dep málimdedi basqarmada.


Avtor Dýman Arǵyngeldi
Basty sózder: Almaty, Ekologııa,
Joǵary qaraı