Aýa raıy
Astana -22 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jaıaý júrginshilerdiń ýaqytsha aımaqtary qurylýy múmkin

2020 jyldyń 6 tamyz 2020 11:54

ALMATY. QazAqparat - Almatyda jaıaý júrginshilerdiń ýaqytsha aımaqtaryn qurý máselesin aýdandyq ákimdikter men polıtsııa pysyqtap jatyr, dep habarlaıdy QazAqparat tilshisi.

«Almaty qalalyq Jasyl ekonomıka basqarmasy aýdandyq ákimdik jáne polıtsııa basqarmasymen birlese otyryp, jaıaý júrginshilerge arnalǵan aımaqtarda kólik qozǵalysyna tyıym salý máselesin sheshýde. Birinshi kezeńde Almaly aýdanyndaǵy eski alańdaǵy Bógenbaı batyr - Tóle bı - Qabanbaı batyr kósheleriniń qıylysynda kólik qozǵalysyna tosqaýyl qoıý usynylady», - dep habarlady qalalyq Jasyl ekonomıka basqarmasy.

Eske salaıyq, Baqytjan Saǵyntaev maýsym aıynda Twitter-degi paraqshasynda epıdemıologııalyq jaǵdaı turaqtanǵan soń ýaqytsha jaıaý júrginshi aımaqtaryn qurý jónindegi pılotty jobanyń qolǵa alynatynyn habarlaǵan bolatyn.

Birinshi kezeńde Almaly aýdanynyń bes kóshesi ár jeksenbi saıyn bir kúnge jabylady. Joba epıdemıologııalyq jaǵdaı turaqtanǵan soń ǵana bastalady.

Basty maqsat – kólik júktemesin azaıtý. Al qalanyń basqa aýdandarynda jeksenbi kúni bir ǵana kóshe jabylady.

Bul mańyzdy iske kólik, ekologııa, ýrbanıstıka, qala qurylysy salalarynyń mamandary tartylady. Olar ekologııalyq ahýaldy jaqsartý boıynsha keshendi sharalardy usyný úshin qalanyń kólik júktemesin, zalaldy jáne dybystyq zattardyń taralý deńgeıin jan-jaqty zerttep, ózderiniń baǵalaryn beretin bolady.


Avtor Alma Muqanova
Basty sózder: Kólik, Qoǵam, Almaty,
Joǵary qaraı