Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jazǵy kafege kirip ketken kólik ústel basynda otyrǵan áıeldi baryp soqty

2022 jyldyń 27 mamyr 2022 14:18

ALMATY. QazAqparat- Almatyda apat saldarynan «Toyota Camry» kóligi dámhananyń jazǵy alańyna kirip ketti, dep habarlaıdy QazAqparat tilshisi.

Almaty qalalyq polıtsııa departamentiniń málimetinshe, jol apaty 24 mamyr kúni keshki saǵat 19:47 kezinde bolǵan.

«Tóle bı kóshesi boıymen batys baǵytta, Áýezov kóshesiniń qıylysynda kele jatqan «Toyota Camry» kóliginiń júrgizýshisi solǵa burylyp jatyp, Tóle bı kóshesimen shyǵys baǵytta kele jatqan «Volkswagen Polo» kóligine soǵylǵan. «Volkswagen» júrgizýshisi kóligin qaldyryp, oqıǵa ornynan ketip qaldy. Al soqtyǵys saldarynan «Toyota Camry» avtokóligi ınertsııamen Tóle bı kóshesiniń boıymen shyǵys baǵytta júrip kelip, qoǵamdyq tamaqtaný orny ornalasqan ǵımaratqa kirip ketken. Bir áıel zardap shegip, aýrýhanaǵa jetkizildi»,- dep habarlady Almaty polıtsııa departamentiniń baspasóz qyzmeti.

Vedomstva ókilderi, atalǵan derek Almaly aýdandyq polıtsııa basqarmasynda tirkelgenin aıtty. Onyń nátıjıesi boıynsha protsessýaldyq sheshim qabyldanady.


Avtor Alma Muqanova
Basty sózder: Vıdeo, Almaty, Kólik, Jol, Oqıǵa,
Joǵary qaraı