Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jeńil kólik  avtobýspen soqtyǵysty: 7 adam zardap shekti

2021 jyldyń 13 maýsym 2021 14:32

ALMATY. QazAqparat – Almatyda avtokólik jolaýshylar avtobýsymen soqtyǵysty, dep habarlaıdy QazAqparat tilshisi.

Jol-kólik oqıǵasy týraly aqparat áleýmettik jelide tarady.


Polıtsııa departamenti habarlaǵandaı, jol apaty 13 maýsym kúni saǵat 08:40 shamasynda bolǵan.

«Kia K5» markaly avtokólikti tizgindegen 1998 jyly týǵan «K» esimdi júrgizýshi Abaı dańǵyly boıymen batys baǵytta Rozybakıev kóshesiniń qıylysynda kele jatyp, baǵdarshamnyń tyıym salynǵan sıgnalyna qaramaı ótip ketip, saldarynan Rozybakıev kóshesiniń boıymen soltústik baǵytta kele jatqan, «LıAZ» markaly №77 jolaýshylar avtobýsymen soqtyǵysqan. Avtobýs júrgizýshisi – 1960 jyly týǵan «Ch» esimdi azamat. Soqqy áserinen avtobýs aryqqa túsip ketti. Jol apaty saldarynan avtobýstyń bes jolaýshysy men eki kólik quralynyń júrgizýshisi zardap shekti», - dep habarlady Almaty qalasy PD Anyqtaý basqarmasynyń basshysy Oljas Sháripov.

Zardap shekkender Almaty qalasyndaǵy aýrýhanaǵa jetkizildi. Atalǵan faktini Almaly aýdany Polıtsııa basqarmasy tekserýde.


Avtor Samal Qabysheva
Basty sózder: Almaty, Oqıǵa, Kólik, QR ІІM,
Joǵary qaraı