Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda joǵalǵan 15 jastaǵy jasóspirim ShQO-da tabyldy

2021 jyldyń 26 qarasha 2021 16:39

ÓSKEMEN. QazAqparat – Shyǵys Qazaqstan oblysynda Almaty qalasynda joǵalyp ketken 15 jastaǵy jasóspirim tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 15 jastaǵy jasóspirim 22 qarashada anasymen janjaldasyp qalyp, Katonqaraǵaı aýdanynda turatyn dosyna habarlasqan. Oǵan Shyǵys Qazaqstanǵa keletinin aıtyp eskertken soń, Almatydaǵy iri saýda ortalyqtarynyń birinde smartfonyn 180 000 teńgege satyp jiberedi.

«Sodan keıin avtobeket mańaıyndaǵy taksı júrgizýshisimen 15 myń teńgege kelisip, Óskemen qalasyna jolǵa shyqqan. Ulan aýdany Saratovka aýylyna kireberiste tártip saqshylary sol kólikti toqtatty. Tekserý kezinde jolaýshylardyń biri iz-túzsiz joǵalǵan adam retinde izdeýde júrgendigi belgili boldy», - delingen aqparatta.

Jasóspirim birden polıtsııa bólimine jetkizilgen. Qazirgi ýaqytta 15 jastaǵy bala ata-anasy basqa qalada turatyndyqtan, Óskemen qalasynyń kámeletke tolmaǵandardy beıimdeý ortalyǵyna ornalastyryldy. Aldaǵy ýaqytta rastaıtyn qujattardy usynǵannan soń ol zańdy ókilderine tapsyrylady.





Joǵary qaraı