Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda joǵary jyldamdyqpen kólik júrgizgender jaýapqa tartyldy

2021 jyldyń 28 qazan 2021 03:24

ALMATY. QazAqparat - Almaty joldarynda joǵary jyldamdyqpen kólik júrgizgen quqyq buzýshylar ustaldy, dep habarlaıdy QazAqparat tilshisi.

Júrgizýshilerdiń joldaǵy qaýipti júrgizý sátiniń vıdeosy áleýmettik jelide tarady.

Ol quqyq buzýshynyń biriniń beınetirkeýishine tirkelgen.

Qazir kólik júrgizýshiler anyqtalyp, jaýapqa tartyldy.

«Tez arada Patrýldik polıtsııa polkiniń qyzmetkerlerine tergeý júrgizý tapsyryldy. Eki quqyq buzýshy da anyqtaldy. Bul - 18 jastaǵy E.Naǵıev jáne 19 jastaǵy R.Qaljan esimdi azamattar. Eki júrgizýshige qatysty barlyǵy 21 ákimshilik hattama toltyryldy. Aıyppul somasy 114 aılyq eseptik kórsetkishti qurap, jalpy somasy 335 455 teńgeni qurady. Olardyń árqaısysy mindetti túrde jaýap berip, jaýapqa tartylatyny sózsiz», – dedi Almaty qalalyq PD Jergilikti polıtsııa qyzmeti basqarmasynyń bastyǵy Manap Sattarov.

Atap aıtqanda, olarǵa qatysty QR ÁQbK-niń 595-baby 1-bóligi (Manevr jasaý erejelerin buzý) – 15 ákimshilik hattama. QR ÁQbK-niń 601-baby 1-bóligi (Jol belgilerinde nemese joldyń júrý bóligin belgileýde kózdelgen talaptardy saqtamaý) – 3 ákimshilik hattama. QR ÁQbK-niń 606-baby 1-bóligi (Jol qozǵalysyna qatysýshynyń apattyq jaǵdaı týǵyzýǵa ákep soqtyrǵan jol júrý erejesin buzýy) – 3 ákimshilik hattama toltyryldy.

Avtor Dýman Arǵyngeldi
Basty sózder: Oqıǵa, Almaty, Kólik,
Joǵary qaraı