Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyda jol erejesin 504 márte buzǵan júrgizýshi ustaldy

2022 jyldyń 29 sáýir 2022 21:01

ALMATY. QazAqparat - Qyrǵyz eliniń esebinde turǵan kóliktiń 39 jastaǵy júrgizýshisine 4,6 mln teńge aıyppul salyndy, dep habarlaıdy QazAqpart tilshisi.

Almatyda bir táýlikte jol qozǵalysy erejesin buzǵan 4 júrgizýshi anyqtaldy.

«Onyń ishinde 1983 jyly týǵan I. esimdi azamat bar. Ol Qyrǵyz eliniń esebinde turǵan «Honda» markaly kóligimen 504 ret jol erejesin buzǵan. Sonymen qatar, er adamnyń aıyppulyn tólemegeni anyqtaldy. Aıyppul somasy 4 629 625 teńgege jetken. Quqyq buzýshy dereý kólik quralyn basqarýdan shettetildi, onyń kóligi mamandandyrylǵan aıyp turaǵyna qoıyldy. Taǵy bir tártip buzýshy Reseıde tirkelgen kólikpen ustaldy. Bul - 1988 jyly týǵan A.esimdi azamat. Onyń jalpy somasy 3 480 909 teńgeni quraıtyn 370 aıyppuly bar. Bul kólik te aıyppul turaǵyna qoıyldy», - dedi qalalyq PD jergilikti polıtsııa qyzmeti basqarmasynyń basshysy Manap Sattarov.

Spıkerdiń sózinshe, jol qozǵalysy erejesin buzǵany úshin aıyppul tólemeıtin kólik júrgizýshilerin anyqtaý sharasy tsıfrlyq tehnologııalardy belsendi paıdalana otyryp júrip jatyr.


Avtor Alma Muqanova
Basty sózder: Aıyppul, Kólik, Almaty, Oqıǵa, Jol,
Joǵary qaraı