Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jol qurylysy men qoǵamdyq keńistikti damytýǵa erekshe kóńil bólinedi

2021 jyldyń 26 qazan 2021 04:40

ALMATY. QazAqparat - Almaty ákimi Baqytjan Saǵyntaevtyń tóraǵalyǵymen ótken apta saıynǵy apparattyq keńeste Nur Otan partııasynyń saılaýaldy baǵdarlamasyn oryndaý jónindegi «Jol kartasynyń» aralyq qorytyndylary, halyq sanaǵynyń barysy, joldar men qoǵamdyq keńistikterdiń jaǵdaıy qaraldy, dep habarlaıdy QazAqparat tilshisi.

«Jol kartasyn» oryndaý aıasynda «Ekonomıkalyq ósý» baǵyty boıynsha 187 mlrd teńge somasyna 21 ınvestıtsııalyq joba iske asyryldy. Jyl sońyna deıin 186,7 mlrd teńgeniń taǵy 21 jobasyn iske qosý josparlanyp otyr. І jartyjyldyqtyń qorytyndysy boıynsha Almatynyń JÓÓ 105,5 paıyz, al kólemi – 5,8 trln teńge.

Jyl basynan beri 53,1 myń jańa jumys orny ashyldy, bul ІІ toqsannyń qorytyndysy boıynsha jumyssyzdyq deńgeıin 5,3%-dan 5,1%-ǵa deıin tómendetýge múmkindik berdi. Ortasha aılyq 296 myń teńgege jetti.

«Shetsiz qala» qaǵıdatyn iske asyrý aıasynda 24 shaǵyn aýdanda 36,5 myń úıdi qamtıtyn 92 shaqyrym sý qubyry jáne 77 shaqyrym káriz jelileri tartyldy.

Nátıjesinde qala turǵyndarynyń 98,4%-y sapaly aýyz sýmen qamtamasyz etildi. Sondaı-aq, jyl basynan beri 518 kóshe jaryqtandyryldy. Jyl sońyna qaraı kóshelerdi tolyq jaryqtandyrylatyn bolady. Tabıǵı gaz jelileri 99,2%-ǵa deıin qoljetimdi.

Qala ákimi Baqytjan Saǵyntaev partııanyń «Jol kartasyna» engizilgen jobalardyń iske asyrylý merzimine baqylaýdy kúsheıtýdi tapsyrdy.

Halyq sanaǵyna keletin bolsaq, qazirgi ýaqytta onlaın jáne oflaın formatta 2 089 540 respondent qamtyldy. Bul qala halqynyń aǵymdaǵy sanynyń 104,19% quraıdy. Onlaın-format 21 qazanda jańartyldy. Sanaq naýqany 30 qazanǵa deıin jalǵasady.

Erekshe nazar aýdarylatyn joldar men qoǵamdyq keńistikterdiń jaǵdaıy jeke qaraldy. Qalanyń kóshe-jol jelisiniń jalpy uzyndyǵy – 3097 shaqyrym, onyń 299 shaqyrymy qatty jabyny joq. Jaqsy jáne qanaǵattanarlyq jaǵdaıdaǵy joldardyń úlesin 80%-dan 83%-ǵa deıin arttyrý maqsatynda jańalaryn jóndeý jáne salý jumystary júrgizilýde.

Jyl basynan beri jalpy aýdany 214 myń sharshy metr joldarda aǵymdaǵy jóndeý jumystary júrgizildi, 31shaqyrym trotýar, 65 aıaldama alańy jóndeldi. Qysqy kezeńde shuńqyrlardy jóndeý úshin 5 birlik arnaıy tehnıka – termos-býnkerler satyp alyndy, 200 tonna arnaıy qysqy asfalt daıyndaldy.

Uzyndyǵy 201,1 shaqyrym josparlanǵan 206 kósheniń 197 kóshesine ortasha jóndeý jumystary júrgizildi, qalǵan 9 kóshe boıynsha jumystardy qazan aıynyń sońyna deıin aıaqtaý josparlanýda.

O. Jandosov kóshesi boıyndaǵy BRT jelileri Súleımenov kóshesinen Úlken Almaty ózenine deıin, Taýsamaly shaǵyn aýdanyndaǵy Qonaev kóshesi ıAssaýı kóshesinen Rysqulov kóshesine deıin rekonstrýktsııalanýda.

Alty shaǵyn aýdanda (Shańyraq-5, Nurshashqan, Samǵaý, Álmerek, Qaırat, Ójet) joldardy salý men kúrdeli jóndeý aıaqtaldy. Taǵy ekeýinde (Quramys, Dýman) jumysty qarasha aıynda aıaqtaý josparlanýda.

Rekreatsııalyq aımaqtardy qurý maqsatynda jańa qoǵamdyq keńistikterdi jóndeý jáne salý júrgizilýde. Sońǵy 2 jylda 84 nysan iske qosyldy. Atap aıtqanda, aǵymdaǵy jyly «Maıak» toǵaıy, «Kókmaısa» shaǵyn aýdanyndaǵy «Esentaı» ózeniniń jaǵalaýy, Taý qyrat shaǵyn aýdanyndaǵy ýchaske, «Jarbulaq» jáne «Tiksaı» ózenderiniń arnalary abattandyrylyp jatyr.

Selden qorǵaý bógetinen №1 tundyrǵyshqa deıin Úlken Almaty ózeniniń sý qorǵaý beldeýi men arnasyn rekonstrýktsııalaý júrgiziletin bolady. 15 nysan boıynsha jobalar ázirlenýde.

Sonyń ishinde, Alataý aýdanyndaǵy «Ójet» shaǵyn aýdanyndaǵy toǵan boıyndaǵy jáne Boraldaı ózeniniń boıyndaǵy jasyl aımaqtar abattandyrylady. Sonymen qatar, Medeý aýdanynyń «Alataý» shaǵyn aýdanyndaǵy Ibragımov kóshesiniń boıyna skver salý qarastyrylǵan. Naýryzbaı aýdanyndaǵy Qarǵaly ózeniniń jaǵalaýyn, Úlken Almaty aınalma avtomobıl jolynyń soltústigin kógaldandyrý josparda.

Baqytjan Saǵyntaev Jańa Almatynyń qalaǵa qosylǵan shaǵyn aýdandarynda jaıly qoǵamdyq keńistik qurýdyń mańyzdylyǵyn atap ótti.

Turǵyndar balalarǵa arnalǵan oıyn jáne sport alańdaryn qura otyryp, saıabaqtar men demalys oryndaryn salý qajettiligi týraly birneshe ret ótinish bildirdi.

Sondyqtan megapolıs ákimi jobalardy ázirleý jáne iske asyrý kezinde qala turǵyndarynyń pikirleri men tilekterin eskerýdi tapsyrdy.


Avtor Alma Muqanova
Basty sózder: Almaty, Qoǵam,
Joǵary qaraı