Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatyda jylýmen jabdyqtaý tarıfi tómendetildi

2021 jyldyń 22 qańtar 2021 21:45

ALMATY. QazAqparat - Almatyda jylýmen jabdyqtaý tarıfi tómendetildi, dep habarlaıdy QazAqparat Tabıǵı monopolııalardy retteý komıtetiniń baspasóz qyzmetine silteme jasap.

2020 jylǵy kórsetilgen qyzmet kóleminiń ósýine baılanysty, komıtettiń Almaty qalasy boıynsha departamenti halyq úshin jylýmen jabdyqtaý tarıfin 3%-ǵa tómendetti. Tómendetilgen tarıf 2021 jylǵy 1 aqpannan bastap qoldanysqa engiziledi.

«Tarıftiń tómendeý esebinen halyqtyń únemdeıtin qarjysy 552 mln teńge. Joǵaryda kórsetilgen kórsetkishterge qol jetkizý úshin, Almaty qalasy ákimdiginiń qoldaýymen halyqtan bıýdjettik uıymdarǵa júktemeni qaıta bólý faktisi qosymsha yqpal etti», delingen habarlamada.

Buryn habarlaǵanymyzdaı, 2021 jylǵy 1 qańtardan bastap jylýmen jabdyqtaýǵa arnalǵan tarıftiń josparly 14% - ǵa ósýi kútilgen edi.

Alaıda, Almaty qalasy boıynsha departament energııa kózderinde tarıfti tómendetý arqyly halyq úshin tarıftiń ósýine jol bermeý boıynsha jumys júrgizdi, nátıjesinde 2021 jyly halyq úshin tarıfti 2020 jylǵy deńgeıde ósimsiz qaldyrýǵa múmkindik týdy.


Joǵary qaraı