Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy 28 gvardııashy-panfılovshylar saıabaǵynda 350 jaryq shamy ornatylyp, jańa asfalt tóseledi

2021 jyldyń 16 sáýir 2021 22:55

ALMATY. QazAqparat - 28 gvardııashy-panfılovshylar atyndaǵy saıabaqta jańa 350 jaryq baǵana ornatylyp, retro oryndyqtar qalpyna keltiriledi. Bul týraly onlaın brıfıng barysynda Almaty qalasynyń Jaıly qalalyq orta basqarmasynyń basshysy Sapar Nurashev aıtty, dep habarlaıdy QazAqparat tilshisi.

Sapar Nurashev bıyl 28 gvardııashy-panfılovshylar atyndaǵy saıabaqta 20 myń sharshy metr alańda jańa asfalt jáne 3 645 sharshy metr trotýar plıtasy salynatynyn atap ótti.

Sondaı-aq, saıabaqta jańa 351 jaryqtandyrý tirekteri ornatylady, qosymsha 103 oryndyq pen 107 qoqys jáshigi paıda bolady, 23 eski retro-oryndyqtar qalpyna keltiriledi, 103 myń sharshy metrden astam aýmaq kógaldandyrylady.

«Kishi Almaty ózeni jaǵalaýynyń kelbeti ózgeredi. Ózen boıynda 160 jaryqtandyrý baǵandary, Dostyq gúlzarynda 95 jaryqtandyrý baǵandary ornatylady, 22 800 sharshy metr asfalt tóseledi. 2021 jyly 240 oryndyq pen qoqys jáshigi ornatylyp, 42 400 sharshy metr aýmaq kógaldandyrylyp, 1000-nan astam jasyl jelek otyrǵyzylady»,- dedi spıker.

Aldaǵy ýaqytta Bógenbaı batyr kóshesiniń Naýryzbaı batyr kóshesinen Qaıyrbekov kóshesine deıingi aralyǵy ózgeredi. Onda asfalt, trotýar plıtkalary tóseledi, oryndyqtar qoıylady, jaryq paıda bolady, 63 úıeńki aǵashy otyrǵyzylady.


Avtor Alma Muqanova
Basty sózder: Almaty, Qurylys, Ekologııa,
Joǵary qaraı