Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy aǵashtardyń kesilýine baılanysty polıtsııa qyzmetkerleri de jaýapqa tartylýy múmkin

2020 jyldyń 25 qarasha 2020 22:45

ALMATY. QazAqparat – Almatyda aǵashtardyń jappaı kesilý oqıǵasyna qatysty polıtsııa qyzmetkerleri de jaýapqa tartylýy múmkin. Bul týraly Almaty qalasy prokýrorynyń birinshi orynbasary Berik Adamov onlaın brıfıng barysynda málim etti, dep habarlaıdy QazAqparat tilshisi.

Onyń aıtýynsha, zańsyz aǵash kesý oryn alǵan jerdi kúzetip júrgen polıtsııa qyzmetkerleriniń áreketteriniń zańǵa sáıkestigi tekseriledi.

«Biz qala turǵyndarynyń áleýmettik jelilerdegi shaǵymyn zerdelep, tekseris júrgizýdemiz. Ony Almaly aýdanynyń prokýratýrasy júrgizip jatyr. Polıtsııa qyzmetkerleriniń is-áreketine zańdy baǵa beriledi. Tekserý nátıjeleri boıynsha polıtsııa bólimine buıryq jiberiledi», — dedi Berik Adamov.

Buǵan deıin, Almatyda Tóle bı kóshesindegi saýda úıiniń aldyndaǵy sırek kezdesetin aǵashtardy kesip tastaǵan kúdikti anyqtalǵany týraly jazǵan bolatynbyz.

Eske sala ketsek, 23 qarashaǵa qaraǵan túni Almatyda saýda úıiniń janynda (Áýezov-Tóle bı kósheleriniń qıylysy) jaıqalǵan emen men qaraǵash otaldy. Buǵan qatysty turǵyndar áleýmettik jelide narazylyq bildirdi.

Keıin Almaty qalalyq Jasyl ekonomıka basqarmasy saýda úıiniń aldyndaǵy aǵashtardyń jappaı kesilýiniń mán-jaıyn anyqtady.

Bul jaǵdaıǵa Prezıdent Qasym-Jomart Toqaev nazar aýdaryp, Almaty ákimi Baqytjan Saǵyntaevqa qyzmettik tekserý júrgizýdi, kinálilerdi jaýapkershilikke tartýdy tapsyrdy.

24 qarasha kúni B.Saǵyntaev máseleni óz baqylaýyna alǵanyn málim etti.

Almaty prokýratýrasy zańsyz aǵash kesý faktisi boıynsha tergeý júrgizýde.


Joǵary qaraı