Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy atys: Kúdikti eki aıǵa qamaýǵa alyndy

2021 jyldyń 23 qyrkúıek 2021 19:27

ALMATY. QazAqparat - Almatyda bes adamdy atyp óltirgen kúdikti eki aıǵa qamaýǵa alyndy, dep habarlaıdy QazAqparat tilshisi.

Almaty qalasy mamandandyrylǵan aýdanaralyq tergeý soty Igor Dýjnovqa qatysty sheshim shyǵardy.

Kúdikti eki aıǵa qamaýǵa alyndy.

Eske salaıyq, 20 qyrkúıek kúni Almatyda atys bolyp, 5 adamnyń qaza tapty.

Jeke úılerdiń birine kelgen sot oryndaýshyǵa, ýchaskelik polıtsııa ınspektorlaryna úı ıesi — 1967 jyly týǵan azamat oq atty.

Qyzmet barysynda bes adam, onyń ishinde eki polıtsııa qyzmetkeri oqtan jaraqat alyp, kóz jumdy.

Qaza tapqan polıtseılerdiń biriniń artynda 5 jáne ekinshisiniń artynda 2 balasy qaldy.

Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.

Almaty qalalyq soty birneshe adam ólimine kináli turǵynnyń daýly isine qatysty túsinikteme berdi.

«Bank TsentrKredıt» AQ is boıynsha barlyq qajetti qujatty usynatyndaryn jáne zardap shekkenderdiń týystaryna jan-jaqty kómek kórsetetinderin jetkizdi.

Atalǵan jaǵdaı boıynsha sotqa deıingi tergeý amaldary bastaldy. Kináli adam 20 jylǵa deıin nemese ómir boıyna bas bostandyǵynan aıyrylýy múmkin .


Avtor Alma Muqanova
Basty sózder: Bankter, Sot, Qylmyspen kúres, Almaty,
Joǵary qaraı