Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy atysta qaza tapqan polıtseılerdiń artynda 5 jáne 2 balasy qaldy

2021 jyldyń 21 qyrkúıek 2021 12:36

ALMATY. QazAqparat - Alataý aýdanynyń Aqbulaq yqsham aýdanynda bolǵan atysta qaza tapqan ýchaskelik ınspektorlar týraly tolyǵyraq málimetter belgili boldy, dep habarlaıdy QazAqparat tilshisi.

Almaty qalalyq Polıtsııa departamentiniń bastyǵy Qanat Taımerdenov baspasóz brıfınginde atys kezinde qaza tapqan ýchaskelik ınspektorlar týraly aıtty.

«Alataý aýdandyq PB JPQB ýchaskelik ınspektory, polıtsııa maıory Darhan Daýylbaıuly Súleev 1982 jyly týǵan. Bizdiń departamentte 2003 jyldan beri qyzmet etti. Jaqynda ǵana Akademııany bitirip kelgen. Onyń artynda bes balasy qaldy.
Al Alataý aýdandyq PB JPQB ýchaskelik ınspektory, polıtsııa kapıtany Baıǵazıev Nurbol Nazarbaıuly 1988 jyly týǵan. Ol bizde 2014 jyldan bastap qyzmet etti. Onyń artynda eki balasy qaldy. Qaza tapqan eki qyzmetkerimiz de qyzmet babymen birneshe ret marapattalǵan. Óz qyzmetterinde eshqandaı tártip buzýshylyq jasamaǵan»,- dedi brıfıng barysynda Qanat Taımerdenov.
Aıta keteıik, osyǵan deıin Almatyda atys bolyp, 5 adamnyń qaza tapqanyn habarlaǵan bolatynbyz.


Avtor Dýman Arǵyngeldi
Basty sózder: Almatydaǵy atys, Almaty,
Joǵary qaraı