Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy BRT jobasynyń ekinshi kezeńi keıinge shegerildi

2022 jyldyń 24 qańtar 2022 15:18

ALMATY. QazAqparat - Almaty qalalyq mobıldilik basqarmasynyń basshysy Ǵanı Myrzahanov onlaın brıfıng barysynda BRT (júrdek avtobýs jelisiniń) ekinshi kezeńi keıinge shegerilgenin málim etti, dep habarlaıdy QazAqparat tilshisi.

«Ekinshi kezeńdi jobalaý 2017 jyly bastalyp, joba 80-85 paıyzǵa ázirlendi. LRT kapıtaldyq jobasyna qatysqan kompanııa daıyndaǵan bolatyn. Jobany tolyǵymen aıaqtaý múmkin bolmady: kompanııa lıtsenzııasynan aıyryldy, olardyń quqyqtyq máseleleri boldy. Qazir bul kompanııamen sottasyp jatyrmyz. BRT jobasynyń ekinshi kezeńi keıinge shegerildi», - dedi basqarma basshysy.

Ǵanı Myrzahanov BRT jobasynyń birinshi kezeńi boıynsha negizgi jumystardyń aıaqtalǵanyn qosty. Jandosov kóshesiniń Úlken Almaty ózeninen Altynsarınge deıingi bóligi arnaıy jolaqty qosa alǵanda tórt jolaqtan alty jolaqtyǵa deıin keńeıtildi.

«Búgin BRT jobasynyń birinshi kezeńi aıaqtaldy dep aıta alamyz. Az jumys qaldy», - dedi ol.

Buǵan deıin BRT jobasynyń ekinshi kezeńi, ıaǵnı 13 shaqyrymdyq ýchaskesi Jeltoqsan kóshesimen Tóle bı, Shyǵys aınalma joly, Halyk Arena tusyndaǵy depoǵa deıin baratyny týraly aıtylǵan bolatyn.


Avtor Alma Muqanova
Basty sózder: Qurylys, Almaty,
Joǵary qaraı