Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy metro «Altyn Orda» bazaryna deıin sozylatyn boldy

2021 jyldyń 25 qarasha 2021 16:20

ALMATY. QazAqparat - Almaty metrosy «Altyn Orda» bazaryna deıin sozylmaq. Bul týraly qala ákiminiń orynbasary Serik Qusaıynov brıfıng barysynda málim etti, dep habarlaıdy QazAqparat tilshisi.

Onyń aıtýynsha, Almatyda salynyp jatqan metronyń baǵyty túzetiledi.

«Endi metropolıten jelisi Qalqaman eldi mekeni arqyly ótpeıdi. Batys arqyly, jańa Naýryzbaı aýdany arqyly ótedi. Alataý kóshesimen tómen túsedi. Qosymsha eki stantsııa salynady, sońǵysy «Altyn Orda» bazaryna deıin jetedi. Osylaısha Naýryzbaı aýdanynyń batys bóligin qala ortalyǵymen baılanystyramyz», – dedi Serik Qusaıynov.

Almaty ákiminiń orynbasary Serik Qusaıynovtyń pikirinshe, bul 150 myń turǵynǵa yńǵaıly bolmaq.

Aıta keteıik, Almatyda salynyp jatqan «Dostyq» metro stansasynyń ataýyn ózgertip, oǵan Baýyrjan Momyshulynyń atyn berý usynylǵan bolatyn.

Dostyq beketi Abaı dańǵyly men Momyshuly kóshesiniń qıylysynda salynyp jatyr.

Onyń tehnıkalyq iske qosylýy osy jyldyń sońyna josparlanǵan.


Avtor Alma Muqanova
Basty sózder: Qurylys, Almaty, Ákimdik,
Joǵary qaraı