Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy onkologııa ortalyǵynda 2 myńnan astam operatsııa jasaldy

2021 jyldyń 14 qyrkúıek 2021 14:34

ALMATY. QazAqparat – Almatydaǵy onkologııa ortalyǵynda jyl basynan beri 12 myń naýqas emdelip shyqty, dep habarlaıdy QazAqparat tilshisi.

Onkologııa ortalyǵynyń bas dárigeri Nursultan Іzmaǵambetovtiń aıtýynsha, jyl basynan beri eki myńnan astam operatsııa jasaldy, 12 myń naýqas emdelip shyqty. Bul ótken jyldyń osy kezeńimen salystyrǵanda 25,7%-ǵa artyq, (11 812) adam.

«Bıyl 2 954 almatylyqtan qaterli isik anyqtaldy. Sút bezi qaterli isigi birinshi orynda, ekinshi orynda - toq ishek qaterli isigi, úshinshi orynda - ókpeniń qaterli isigi, tórtinshi orynda - asqazannyń qaterli isigi, besinshi orynda - analyq jynys beziniń qaterli isigi. Júrgizilgen skrınıng nátıjıesi boıynsha osy jyldyń segiz aıynda 148 adamnan qaterli isik anyqtaldy» - dedi dáriger.

Maman halyqty jyl saıynǵy skrınıngten ótýge shaqyrdy.

«Skrınıng jolymen anyqtalǵan qaterli isikter 1-2 aýrýshańdyq satysynda bolady. Mundaı jaǵdaıda em tásili óziniń tıimdi áserin kórsetip naýqastyń tolyǵymen emdelip shyǵýyna septigin tıgizedi. Sondyqtan da skrınıngten ótý qajet. Ol erte satydaǵy qaterli isikti dıagnostıkalaý arqyly tolyqqandy emdeýine tıer tıimdiligi ábden múmkin. Asa tym kesh satyda anyqtalǵandar qıynǵa túsedi, jáne jaǵdaıy nasharlaıdy», - deıdi Nursultan Іzmaǵambetov.

Jyl basynan beri 2 498 KT jáne 368 MRT jasalyp, telepatologııanyń kómegimen 472 halyqaralyq keńes berildi.

Pallıatıvti kómek kórsetý boıynsha 3436 mobıldi brıgada onkologııamen aýyratyndarǵa bardy.

«Bıylǵy jyldyń 8 aıynda elimizdiń basqa aýmaqtarynan 478 onkologııamen aýyrǵan naýqastar qaıta tirkeldi. Ókinishke oraı, 112 patsıent asqynǵan qaterli isik aýrýymen keldi, ıaǵnı, ár besinshi patsıent 3-4 satydaǵy aýrýmen emdelýge keledi. Munyń barlyǵy asqynýshylyqtyń kórsetkishine áserin tıgizip ólim saldaryna ákelýi múmkin. Sondaı-aq, qala boıynsha onkologııalyq kómek kórsetýde shyǵyn kóbeıedi» - dedi bas dáriger.


Avtor Alma Muqanova
Basty sózder: Almaty, Medıtsına,
Joǵary qaraı