Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy onkologııalyq ortalyqta ashyq esik kúni ótedi

2021 jyldyń 12 qazan 2021 17:26

ALMATY. QazAqparat– Bul shara Dúnıejúzilik sút bezi qaterli isigine qarsy kúres kúni qarsańynda uıymdastyrylyp otyr, dep habarlaıdy QazAqparat tilshisi.

23 qazan kúni tańǵy saǵat 09.00-den 13.00-ge deıin «Almaty onkologııalyq ortalyǵynda» qaterli isikti erte anyqtaý maqsatynda ashyq esik kúni ótedi.

Búgingi kúni sút beziniń qaterli isigi Qazaqstandaǵy onkologııalyq aýrýlardyń kóptep kezdesetin túrine jatady.

Aıta ketetin jaı, sút beziniń qaterli isigi Almaty qalasynda statıstıka boıynsha birinshi orynda tur, al, ólimge ákelý saldary boıynsha ekinshi orynda.

Megapolıste 9 aıdyń ishinde 514 áıelden sút beziniń isigi anyqtaldy. Sol sebepti, sút beziniń qaterli isigin ýaqytynda anyqtaý úshin mamandar taǵy da mammografııa skrınınginen ótýge keńes berýde.

Elimizde sút beziniń qaterli isigi boıynsha ertedegi «skrınıngten» ótý múkinshiligi eki jylda bir ret 40 jastan 70 jasqa deıingi áıelderge qarastyrylǵan.

Dárigerlerdiń aıtýynsha, aldyn ala dıagnostıkalanǵan isikti tolyǵymen emdeýge bolady. Al, aýrýdyń belgisi anyqtalǵan kesh satydaǵy aýrýdy emdeý qıynǵa túspek.

Profılaktıkalyq tekserýdiń ótkiziletin orny: Papanın k-si, 220 Lıter A.


Avtor Alma Muqanova
Basty sózder: Almaty, Medıtsına, Densaýlyq,
Joǵary qaraı