Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy segiz morenalyq kól bıyl úlken qaýip tóndiredi

2021 jyldyń 16 maýsym 2021 09:19

ALMATY. QazAqparat – Almaty qalasynyń mańynda 45 morenalyq jáne muzdyq kólder ornalasqan, olardyń ishinde asa qaýiptisi – 12, al bıylǵy jyly 8 kól eń qaýiptisi bolyp otyr. Bul týraly Almaty qalasy Tótenshe jaǵdaılar departamentiniń Instagram paraqshasynda aıtyldy.

Aǵymdaǵy jyly Aqsaı, Úlken jáne Kishi Almaty ózenderiniń basseınderindegi 8 kóldi bosatý boıynsha aldyn alý jumystary josparlanǵan.

«8 kólde 90 adam jumysqa kirisedi, býldozerler iske qosylady, evakýatsııalyq kanaldar tereńdetiledi jáne tazartylady, sıfon qubyrlaryn montajdaý, sondaı-aq sorǵy qondyrǵylaryn iske qosý jumystary júrgiziledi. Ónimdiligi joǵary 9 sorǵy, 2000 metr polıetılen qubyrlary daıyndaldy, olar 2019 jyly Almaty ákimdiginiń qoldaýymen satyp alyndy», – delingen departament habarlamasynda.

Sel qaýpi bar kezeńde morenalyq kólderdi baqylaý úshin 21 beket jumys isteıtin bolady. 2020 jyly 7 morenalyq kólden tazartý jáne tereńdetý jolymen aǵyzý kanaldary arqyly, sondaı-aq sıfon qubyrlarynan 5,2 mln m3 sý tartyp shyǵaryldy.








Joǵary qaraı