Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy tártipsizdik kezinde zardap shekken azamattarǵa ótemaqy tólenedi

2022 jyldyń 24 qańtar 2022 10:54

ALMATY. QazAqparat – Almatyda jappaı tártipsizdik kezinde zardap shekken jeke tulǵalarǵa ótemaqy tólenedi. Bul týraly Almatynyń tynys-tirshiligin qalpyna keltirý jónindegi qalalyq shtab otyrysynda qala ákiminiń orynbasary Іlııas Óserov aıtty, dep habarlaıdy QazAqparat tilshisi.

Almatyda bolǵan tártipsizdikter kezinde memlekettik organdardyń, aýrýhanalar men BAQ-tyń 603 qyzmetkeri zardap shekken. Onyń ishinde, quqyq qorǵaý organdarynyń 592 qyzmetkeri, Tótenshe jaǵdaılar departamentiniń 1 qyzmetkeri, jergilikti atqarýshy organdardyń 3 qyzmetkeri, «Almaty» telearnasynyń 1 qyzmetkeri jáne medıtsınalyq uıymdardyń 6 qyzmetkeri bar. Olardyń barlyǵyna ótemaqy tólenedi.

Almaty qalasy ákiminiń orynbasary Іlııas Óserovtyń aıtýynsha, zardap shekkenderge tólemder kelesi dárejelerge qaraı beriledi. Aýyr dárejede zardap shekkender – 2 mln teńge, ortasha dárejede – 1 mln teńge, jeńil túrde – 500 myń teńge tólenedi.

Sonymen qatar, qalada tótenshe jaǵdaı kezinde jumyldyrylǵan Polıtsııa departamentiniń 3878 qyzmetkerine, Tótenshe jaǵdaılar departamentiniń 1207 qyzmetkerine, Qoǵamdyq densaýlyq basqarmasynyń 3888 qyzmetkerine, qutqarý qyzmetiniń 93 qyzmetkerine 100 myń teńge qarjylaı kómek tólenedi.

«Búgin tıisti qujattar qazynashylyqqa jiberilip, tústen keıin alǵashqy tólemder jasalady», - dedi Іlııas Óserov.

Sondaı-aq, tıisti tergeý áreketteri aıaqtalǵan soń zardap shekken avtokólikterge tólemderdi qamtamasyz etý úshin Polıtsııa departamentine shamamen 200 mln teńge mólsherinde bastapqy soma jiberiletin bolady. Qajet bolǵan jaǵdaıda bul soma kóbeıtiledi.


Joǵary qaraı