Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy terakt: Qyzmetinde áreketsizdikke aıyptalǵan ІІB basshysynyń soty bastaldy

2018 jyldyń 16 aqpan 2018 12:55

ALMATY. QazAqparat - Almatyda shildede bolǵan terrorıstik aktige baılanysty sot otyrysy bastaldy. Sot aldynda Almaly aýdandyq ІІB burynǵy basshysy Asqar Bolatov pen polıtsııa qyzmetkerleri Qaırat Amanjolov pen Syrym Baımendıev jaýap berip jatyr, dep habarlaıdy QazAqparat tilshisi.

Qylmystyq is byltyr Almatyda 16 shildede Rýslan Kúlekbaevtyń polıtseılerge jasaǵan shabýylyna qatysty qozǵaldy.

Asqar Bolatovqa qatysty QR QK 370-babynyń 4-bólimimen (qyzmettegi áreketsizdik), 371-babynyń 2-bólimimen (salǵyrttyq), Qaırat Amanjolov pen Syrym Baımendıev QR QK 370-babynyń 4-bólimimen (qyzmettegi áreketsizdik) aıyp taǵyldy.

Bolatov pen Baımendıevtyń advokattary isti toqtatyp, prokýratýraǵa qaıta tergeýge jiberýge jiberýge ótinish bildirdi.

Aldyn ala tyńdaýǵa Asqar Bolatovtyń ózi densaýlyǵyna baılanysty kelmedi. Sonymen qatar sotta Qaırat Amanjolovtyń qorǵaýshysy bolmady. Al, Syrym Baımendıev 8 tomdyq ispen áli tanyspaǵanyn aıtty.

Bolatovtyń qorǵaýshysy Taır Nazhanov kúdiktini qyzmetinde beıqamdyq tanytty dep aıyptaýǵa bolmaıtynyn jetkizdi.

«Eger ol beıqamdyq tanytsa, onda Kúlekbaevpen ózara sybaılas bolǵany. Bul múmkin emes, sebebi Kúlekbaev pen Bolatov múlde tanys emes. Almaly aýdany ІІB basshysy 18-shildede qyzmetkerlerin turǵyzǵan. Olardyń arasynda bos oryndar boldy. Sondyqtan, bári tolyq sapqa turmady. Bolatov shabýyl kezinde qarýsyz bolǵan. Ol tórtinshi qabatqa kóterilip, qarý-jaraq almaq bolǵan. Osylaısha shabýylǵa toıtarys berýdi kózdegen. Kabınetke kirip, telefon arqyly ІІD basshylyǵyna birinshi habar bergen», - dedi qorǵaýshy.

Sýdıa Maratalı Beknazarov qorǵaýshylardyń ótinishin qanaǵattandyrýsyz qaldyryp, kelesi sot tyńdalymyn 26 aqpanǵa belgiledi.

Eske sala ketsek, 2016 jyly 18 shildede Almatyda terakt jasaǵan Rýslan Kúlekbaevqa ólim jazasy taǵaıyndalǵan. Moratorııge baılanysty ol jazasyn túrmede ótep jatyr.

Joǵary qaraı