Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy zardap shekkenderge Pavlodardan 70 lıtr qan jóneltildi

2022 jyldyń 17 qańtar 2022 07:54

PAVLODAR. QazAqparat - «Qyzyl jarty aı» qoǵamynyń Pavlodardaǵy fılıalynyń eriktileri elimizde ótken mıtıngiler men tártipsizdikterge baılanysty aqsha, donor qany jáne basqa da kómekterdi jınaýǵa belsendi kiristi, dep habarlaıdy QazAqparat tilshisi.

«Jańa jyl qarsańynda jáne odan keıin Pavlodar fılıaly (Qazaqstan Respýblıkasynyń Qyzyl Jarty Aı qoǵamy) oblystyq qan ortalyǵyna donorlardy tartý boıynsha úlken aqparattyq jumys júrgizdi. Eldegi sońǵy oqıǵalarǵa baılanysty donorlar sany kóp boldy, adamdar óz erkimen kelip qan tapsyrdy», - dedi QR Qyzyl Jarty Aı qoǵamynyń Pavlodar oblystyq fılıalynyń basshysy Gúlnar Isaqanova.

Onyń aıtýynsha, qalalyq máslıhat depýtattary, Pavlodar munaı-hımııa
zaýyty, QTJ jáne qarapaıym turǵyndar qan tapsyrǵan. Barlyǵy 150-den astam donor kelgen.

Pavlodar oblysynan Almatyǵa kómekke Qyzyl Jarty Aı qoǵamynyń eriktileri 70 lıtr qan tapsyrdy. Donorlar osy kúnderi qan ortalyǵynda turǵan Qyzyl Jarty Aı qoǵamynyń áleýmettik aktsııasyn qoldap, qaıyrymdylyq jáshikterine aqsha jınady.

Basty sózder: Qaıyrymdylyq, Pavlodar oblysy,
Joǵary qaraı