Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydaǵy jaǵdaı turaqtaldy – polıtsııa departamenti

2022 jyldyń 20 qańtar 2022 18:41

ALMATY. QazAqparat - Qazirgi ýaqytta qala tolyǵymen kúshtik qurylymdarynyń baqylaýynda. Jaǵdaı turaqtaldy. Bul týraly Almaty qalalyq polıtsııa departamentiniń basshysy Qanat Taımerdenov aıtty, dep habarlaıdy QazAqparat tilshisi.

Qanat Taımerdenovtyń aıtýynsha, shaharda tótenshe jaǵdaı rejımi aıaqtalsa da lańkestikke qarsy is-shara áli de jalǵasyp jatyr.

«Qazir biz turǵyndarǵa qarýdy óz erkimen tapsyrý kerektigin aıtyp jatyrmyz. Tapsyrǵandardy, árıne, qandaı da bir qylmysqa qatyspasa, jaýapqa tartpaımyz. Jedel is-shara kezinde qarýy tárkilengender, qoldanystaǵy zańnamaǵa sáıkes eń aýyr qylmystyq jaýapqa tartylady. Qarý urlaýǵa qatysqandardy izdestirý úshin arnaıy jedel-izdestirý toby qurylyp, jeke quramnyń barlyǵy osyǵan baǵyttaldy. Mınıstrlik bul máseleni erekshe baqylaýda ustap otyr», – deıdi Qanat Taımerdenov.

Sonymen qatar ol polıtsııa departamentine keıbir polıtsııa qyzmetkerleriniń zańsyz áreketteri men ókilettigin asyra paıdalanǵany týraly azamattardan aryz-shaǵymdar túsip jatqanyn atap ótti.

«Olardyń árqaısysy formalızmge jol bermeı, muqııat tekseriledi. Bul mınıstrdiń jáne bizdiń qyzmetkerlerge qoıatyn talabymyz – zańdylyqty qatań saqtaý. Qazirgi ýaqytta basqasha áreket etýdiń joly joq. Sonymen qatar, adamdar bir ýaqytta elimizde tynyshtyqty joǵaltyp alýymyz múmkin bolǵanyn túsinýi kerek. Muny kóbi túsinedi de. Óıtkeni sol kúnderdiń ózinde top-top bolyp jınalyp, talaı nysandy tonaýshylardan qorǵaı bilgen beıbit turǵyndar bar. ıAǵnı, azamattyq qoǵam da bul kúnderi úlken qoldaý kórsetti. Adamdar kelip, qyzmetkerlerimizdi tamaqtandyrdy, kóptegen máseleler boıynsha, sonyń ishinde qaza tapqandardyń otbasylaryna kómektesýge daıyn boldy. Rasynda, osy kúnderi biz myqty qoldaýdy sezindik», – deıdi Almatynyń bas polıtseıi.

Sóz sońynda Qanat Taımerdenov Almatydaǵy jaǵdaı turaqtalyp kele jatqanyn tilge tıek etti.

«Qazirgi ýaqytta qala tolyǵymen kúshtik qurylymdarynyń baqylaýynda. Jaǵdaı turaqtalyp keledi»,- dedi ol.


Avtor Alma Muqanova
Basty sózder: Qaýipsizdik, Almaty,
Joǵary qaraı