Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatydaǵy JEO-2-ni gazǵa aýystyrý qashan aıaqtalady

2021 jyldyń 30 qarasha 2021 15:00

ALMATY. QazAqparat- 2022 jyldyń naýryz-sáýir aılarynda kestege sáıkes eski JEO-2 alańynda jańa stantsııa qurylysy bastalady. Stantsııanyń birinshi blogyn kógildir otynǵa qosý 2023 jyldyń sońyna josparlanyp otyr, dep habarlaıdy QazAqparat tilshisi.

Qazirgi ýaqytta jobanyń TEN qujattary keshendik vedomstvodan tys saraptamadan ótýde. Qorytyndy sheshim shartta kórsetilgen merzimge sáıkes 2021 jylǵy jeltoqsan aıynyń sońynda berilmek.

«Jańa stantsııa jobasy belgilengen elektr qýatynyń 600 MVt deıingi mólsherde bolýyn, al jylý qýatynyń 957 Gkal/saǵ. bolýyn kózdeıdi. Elektr stantsııasy kogeneratsııa qaǵıdatyn paıdalana otyryp, ıaǵnı jylý men elektr energııasyn birlesip óndirýge múmkindik beretin qazirgi zamanǵy bý-gaz tehnologııalary negizinde salynǵan ekologııalyq taza otynmen - tabıǵı gazben jumys isteıtin bolady. Jobany ázirleýshilerdiń aıtýynsha, munda dástúrli bý týrbınalyq tsıkl tehnologııasyna qaraǵanda tabıǵı gazdy tıimdirek jaǵýǵa múmkindik beretin eń ozyq qoljetimdi tehnologııalardy paıdalaný kózdelip otyr»,- dep habarlady «Samuryq-Energo» AQ baspasóz qyzmeti.

Kompanııa málimetinshe, 2022 jyldyń naýryz-sáýir aılarynda kestege sáıkes eski JEO-2 alańynda jańa stantsııa qurylysy bastalady. Stantsııanyń birinshi blogyn kógildir otynǵa qosý 2023 jyldyń sońyna josparlanyp otyr.

«Tehnıkalyq-ekonomıkalyq negizdeme TEN ázirleý barysynda gaz týrbınalyq jabdyqtardy daıyndaýshy zaýyttardyń tehnıkalyq-kommertsııalyq usynystary qaraldy. Muqııat taldaýdan keıin túpkilikti tańdaý álemniń jetekshi 3 óndirýshisin saralady: General Electric, Siemens, Mitsui, olardyń jabdyqtarynyń qoldanystaǵy jaǵdaılarǵa sáıkes keletindigi eskerildi»,- delingen kompanııa habarlamasynda.

Stantsııanyń árqaısysy 200 MVt-tyq blogynyń paıdalanýǵa berilýine qaraı jańa jabdyq qoldanystaǵylardy konservatsııalaýǵa shyǵarýdy kezeń-kezeńimen almastyratyn bolady. Elektr energııasy men jylý óndirý toqtatylmaıdy.

Negizgi tehnologııalyq jabdyqtar: gaz týrbınalary, bý týrbınasy jáne qajetti qazandyqtar Qazaqstanda óndirilmeıtin bolǵandyqtan syrttan (ımport) ákelinedi.

Basqa jabdyqtar (transformatorlar, kabel ónimderi, sorǵylar jáne t.b.) jergilikti óndiris ónimderi.


Avtor Alma Muqanova
Basty sózder: Energetıka, Almaty,
Joǵary qaraı