Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatydan Nur-Sultan jáne Atyraýǵa qosymsha 3 poıyz iske qosyldy

2022 jyldyń 8 qańtar 2022 20:24

NUR-SULTAN. QazAqparat - «Jolaýshylar tasymaly» AQ Almatydan Nur-Sultan jáne Atyraý qalalaryna qosymsha úsh poıyzdy iske qosty, dep habarlaıdy QazAqparat tilshisi.

«Halyq tarapynan artyp otyrǵan suranysqa baılanysty «Jolaýshylar tasymaly» AQ Almatydan Nur-Sultan men Atyraýǵa qosymsha úsh kommertsııalyq poıyz qosty.

«Almaty-2 – Nur-Sultan-1» baǵytyndaǵy №205/206 alǵashqy poıyz búgin Almaty-2 stantsııasynan shyqty jáne erteń, 9 qańtarda saǵat 13.40-ta keledi. Bul poıyz erteń, saǵat 16.20-da keri baǵytta qaıta attanady.

«Almaty-2 – Nur-Sultan Nurly Jol» baǵytyndaǵy №207/208 ekinshi poıyz búgin, saǵat 21.35-te Almaty-2 stantsııasynan shyǵady. Kelýi – kelesi kúni, saǵat 12.12-de. Keri baǵytta bul poıyz Nur-Sultannan 9 qańtar kúni, saǵat 21.20-da shyǵady», - dep málim etti «Qazaqstan temir joly» UK» AQ BAQ-pen jumys jónindegi departament dırektory Qaısar Jumabaıuly.

Onyń aqparatynsha, «Almaty-2 – Atyraý» baǵytyndaǵy úshinshi poıyz (№211/212) Almaty-2 stantsııasynan búgin, saǵat 22.10-da shyǵyp, 10 qańtar kúni Atyraýǵa saǵat 23.33-te keledi. Bul poıyz Almatyǵa qaıtadan 11 qańtar kúni, túngi saǵat úshte shyǵady.

«Eske salyp óteıin, barlyq poıyzdyń qozǵalysy qalpyna keltirildi. Jolaýshylar poıyzdary óz kesteleri boıynsha qatynaýda», - dep qosty Q.Jumabaıuly.

Buǵan deıin habarlanǵandaı, 7 qańtar kúni «QTJ» UK» AQ temirjol bıletterin bilet.railways.kz saıtynda jáne Kaspi.kz qosymshasynda ınternetsiz satyp alýǵa múmkindik jasaǵan bolatyn.


Joǵary qaraı