Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Almatyǵa «Spýtnık Laıt» vaktsınasynyń 12 myń dozasy jetkizildi.

2022 jyldyń 22 qańtar 2022 12:10

ALMATY. QazAqparat- Almatyǵa «Spýtnık Laıt» vaktsınasynyń 12 000 dozasy jetkizildi. Bul týraly qalalyq qoǵamdyq densaýlyq basqarmasy málim etti, dep habarlaıdy QazAqparat tilshisi.

Basqarma málimetinshe, «Spýtnık Laıt» vaktsınasy revaktsınatsııaǵa, ıaǵnı, tolyq ımmýndaý merzimi aıaqtalǵannan keıin qaıta vaktsınalaýǵa arnalǵan.

Vaktsına 24 qańtardan bastap qalanyń barlyq emhanalarynda halyqqa qoljetimdi bolady.

Aıta keteıik, revaktsınatsııa vaktsınanyń tolyq kýrsynan keıin 6 aıdan erte júrgizilmeıdi.

Spýtnık Laıt – vektorly vaktsına, onyń quramy Spýtnıktyń birinshi komponentine uqsas.

«Almatyda revaktsınatsııaǵa arnalǵan mynadaı vaktsınalar bar: QazVac, VeroCell jáne Spýtnık Laıt. Pfizer preparatymen tıisti kontıngent, sondaı-aq, 60 jastan asqandar men medıtsına qyzmetkerleri revaktsınatsııa jasaı alady» dep habarlady Almaty qalalyq qoǵamdyq densaýlyq basqarmasynyń baspasóz qyzmeti.


Joǵary qaraı