Aýa raıy
Astana 10 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Almatyǵa ushyp bara jatqan Air Astana ushaǵy Shymkentke shuǵyl qondy

2020 jyldyń 25 qyrkúıek 2020 19:14

ALMATY. QazAqparat - «Qyzylorda - Almaty» baǵytyndaǵy Air Astana reısi Shymkentke shuǵyl qonýǵa májbúr boldy, dep habarlaıdy QazAqparat tilshisi.

Oqys oqıǵaǵa baılanysty Air Astana kompanııasy túsinik berdi.

«2020 jylǵy 25 qyrkúıekte «Air Astana» AQ áýekompanııasynyń tirkeý nómiri R4HA E290 áýe kemesi (Embraer-190) «Qyzylorda - Almaty» baǵyty boıynsha KZR 986 reısimen ushyp bara jatqanda dıspetcherge tehnıkalyq sebeptermen Shymkent qalasynyń qosalqy áýeaılaǵyna májbúrli túrde qonǵanyn habarlady. Ushaq 17.51-de Shymkent qalasynyń áýejaıyna sátti qondy. Áýe kompanııasynyń aldyn ala málimetinshe, tútin datchıgi iske qosylǵan. Ushý qaýipsizdiginiń talaptaryna sáıkes áýe kemesiniń komandıri qosalqy áýe aılaǵyna qoný jóninde sheshim qabyldady» dedi áýe kompanııasynan.

Air Astana ınjenerlik tehnıkalyq quramy ınspektsııa jasaý úshin Shymkentke ushyp shyqty.

Jolaýshylardy jetkizý QR zańnamasy boıynsha tez arada sheshiledi. Bul derek boıynsha tekserý júrgiziledi.


Avtor Gúlmıra Ǵosmanálı
Basty sózder: Kólik, Shymkent, Almaty, Oqıǵa,
Joǵary qaraı