Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyq alaıaq joq lıýstralardy satyp, 25 mln teńge tapqan

2021 jyldyń 16 maýsym 2021 22:00

ALMATY. QazAqparat- Almatylyq alaıaq joq shamdardy satyp 25 mln teńge tapqan, dep habarlaıdy QazAqparat tilshisi.

Polıtsııa departamentiniń málimetinshe, er adam Polsha shamdaryn satatynyn aıtyp, jarnama jasaǵan.

Tutynýshylardan aldyn ala aqsha alyp, óziniń qyzmeti úshin de aqy suraǵan.

«Jergilikti turǵyn polıtsııaǵa lıýstrany da, aqshany da ala almaıtynyn túsingen kezde júgingen. Kóterme satýshy alaıaqqa 25 mıllıon 740 myń teńge tólegen. Kúdikti 64 jastaǵy P. esimdi er adam óziniń jasaǵan isin moıyndady. Qazirgi ýaqytta qylmystyq is QR QK-niń 190-baby 4-bólimi boıynsha tergelýde. Tergeýshiler kúdiktiniń basqa da osyǵan uqsas qylmystarǵa qatystylyǵyn anyqtaýda», – dedi Áýezov aýdandyq polıtsııa basqarmasynyń bastyǵy Ulan Ábilhaıyr.

Ustalǵan azamat ýaqytsha ustaý ızolıatoryna qamaldy.

«Kúdiktini tanyǵan nemese onyń áreketinen zardap shekkenderdiń barlyǵyn myna telefon nómirleri arqyly habarlasýǵa shaqyramyz: 8-747-369-32-32; 298-53-00 jáne 298-53-05. Biz taǵy da azamattardy kez kelgen taýarǵa nemese qyzmetke ýáde beretin beıtanys adamdarǵa senbeýge, belgisiz abonentterge aqsha aýdarmaýǵa, qyzmet aqysyn tekserýsiz tólemeýge shaqyramyz», – dedi spıker.

Avtor Alma Muqanova
Basty sózder: Zań, Oqıǵa, Almaty,
Joǵary qaraı