Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Almatylyq dáriger turǵyndardy ózin-ózi emdemeýge shaqyrdy

2020 jyldyń 21 qazan 2020 15:34

ALMATY. QazAqparat – Almatydaǵy №12 Qalalyq emhananyń jalpy praktıka dárigeri bólimshesiniń meńgerýshisi Indıra Qalqabaeva onlaın brıfıng barysynda koronavırýs ınfektsııasy, tumaý jáne jiti respıratorlyq vırýstyq ınfektsııasy órship turǵan kezde turǵyndardy óz betinshe emdelmeýge shaqyrdy, dep habarlaıdy QazAqparat tilshisi.

«Ózin-ózi emdeý – bul adam óziniń fızıkalyq nemese psıhıkalyq aýrýyn emdeýi úshin hımııalyq zattardy nemese kez kelgen syrtqy áserdi qoldanatyn adamnyń minez-qulqy», – deıdi dáriger.

Sonymen qatar, ol adamdardy óz betinshe antıbıotıkterdi qabyldamaýǵa shaqyrdy.

«Sýyq pen tumaýdy jeńýge arnalǵan aýyr artıllerııa - antıbıotıkter. Biraq antıbıotıktermen emdelmes buryn dárigermen keńesip, aýrýdyń sıpaty boıynsha tekserýden ótip, onyń bakterııalyq ınfektsııa ekenin rastap, sodan keıin ǵana mamandandyrylǵan emdeýdi bastaý kerek. Dárigerdiń qatań baqylaýymen»,– dedi spıker.

Onyń aıtýynsha, ózin-ózi emdeý júkti áıelder úshin qaýipti.

«Júkti áıelder men bala emizetin analardyń dári-dármekterdi baqylaýsyz qabyldaýy ásirese qolaısyz. Olar belgili bir dári-dármekterdi dárigerdiń ruqsatymen jáne tótenshe jaǵdaılarda ǵana qabyldaı alady. Balalar men qarttarda dárige sezimtaldyq joǵary bolady. Sondyqtan olarǵa arnalǵan dárilerdiń mólsheri azaıady. Patsıentter kóbinese emdik shópterdi paıdalanady. Shóptermen emdeý densaýlyqty qalpyna keltirýge paıdaly bolýy múmkin, biraq olardy úlken bilimmen jáne mamannyń baqylaýymen ǵana qoldaný kerek»,– dedi Indıra Qalqabaeva.

Sóz sońynda, ol koronavırýs indeti, tumaý jáne jiti respıratorlyq vırýstyq ınfektsııasy órship turǵan kezde óz betinshe emdelýge bolmaıtynyn basa aıtty.


Avtor Alma Muqanova
Basty sózder: Almaty, Medıtsına, Qoǵam,
Joǵary qaraı